ബ്രഹ്മാസ്ത്രങ്ങള്‍ ദേവീ ദേവീ
കൂട്ടുപുരികക്കൊടികള്‍ കൊണ്ടുകുലച്ച മണിവില്ലില്‍
കൂവളപ്പൂമിഴികള്‍ നീര്‍ത്തി വലിച്ച മണിഞാണില്‍
നീതൊടുത്തെന്‍ മാറിലെയ്യും നിന്റെ പ്രണയ കടാക്ഷമുനകള്‍
ബ്രഹ്മാസ്ത്രങ്ങള്‍ ...........
നിന്റെ യൌവനസഹജമാകും ലജ്ജതന്‍ കുളിരില്‍
നിന്റെ കവിളില്‍ ഇതള്‍ വിരിഞ്ഞ നുണക്കുഴിത്തളിരില്‍
ഈതാരള്യത്തില്‍ ഈ താരുണ്യത്തില്‍
ഇന്നു ഞാനലിഞ്ഞുചേരുമ്പോള്‍ ദേവീ ദേവീ
നിന്റെ പ്രണയകടാക്ഷമുനകള്‍
ബ്രഹ്മാസ്ത്രങ്ങള്‍ ദേവീ ദേവീ
നീയുണര്‍ത്തിയ രുദ്രവീണാ നാദമാധുരിയില്‍
നീ വിടര്‍ത്തിയ നൃത്ത സന്ധ്യാ ലാസ്യമഞ്ജരിയില്‍
ഈ ലാളിത്യത്തില്‍ ഈ ലാവണ്യത്തില്‍
ഇന്നു ഞാനലിഞ്ഞു തീരുമ്പോള്‍
നിന്റെ പ്രണയകടാക്ഷമുനകള്‍
ബ്രഹ്മാസ്ത്രങ്ങള്‍ ദേവീ ദേവീ
