mere deśh kī dhartī, sonā ugle, ugle hīre motī
bailoṅ ke gale meṅ jab ghuṇgrū, jīvan kā rāg sunāte haiṅ
gam kos dūr ho jātā hai, khuśhiyoṅ ke kaṅval muskāte haiṅ
sun ke rahaṭ kī āvāze yūṇ lage kahī śhahnāī baje
āte hī mast bahāroṅ ke dulhan kī tarah har khet saje
jab chalte haiṅ is dhartī pe hal, mamtā aṅgḍāīyāṇ letī hai
kyo nā pūje is māṭī ko jo jīvan kā sukh detī hai
is dhartī pe jis ne janam liyā, usne hī pāyā pyār terā
yahā apnā parāyā koī nahī, hai sab pe māṇ upkār terā
ye bāg hai gautam nānak kā, khilte haiṅ aman ke phūl yahāṇ
gāṇdhī, subhāṣh, ṭaigor, tilak aise haiṅ chaman ke phūl yahāṇ
raṅg harā harīsiṅg nalve se, raṅg lāl hai lāl bahādūr se
raṅg banā basaṅtī bhagatsiṅg, raṅg aman kā vīr javāhar se