నివ్వెరగై వున్నాఁడవు నే మెంత పిలిచినా
(॥పల్లవి॥)
నివ్వెరగై వున్నాఁడవు నే మెంత పిలిచినా
మువ్వంక వలపులు ముంచకుండీనా
(॥నివ్వె॥)
సొలసి సొలసి నిన్నుఁ జూచిన యీ చెలిచూపు
నలిరేఁగి నీ మతిలో నాటకుండీనా
మలసి మలసి యిట్టె మాటలాడిన మాట
కలసి నీ మర్మాలు కలఁచకుండీనా
(॥నివ్వె॥)
చిమ్ముచుఁ జిమ్ముచు నింతి చెనకిన చెనకులు
కిమ్ముల నిన్నిట్టె గిలిగించకుండీనా
కమ్మరఁ గమ్మర నీతో కందువ నవ్విన నవ్వు
దిమ్మురేఁచి నీగుణము తేలించకుండీనా
(॥నివ్వె॥)
కరఁగి కరఁగి కాంత కాఁగిలించిన కాఁగిలి
అరమరపించి ఆయా లంటకుండీనా
యిరవై శ్రీవెంకటేశ యిద్దరి మమ్ముఁ గూడితి
గరిమ నీకిట్టె తారుకాణగాకుండీనా
(||pallavi||)
nivvĕragai vunnām̐ḍavu ne mĕṁta pilisinā
muvvaṁka valabulu muṁchaguṁḍīnā
(||nivvĕ||)
sŏlasi sŏlasi ninnum̐ jūsina yī sĕlisūbu
nalirem̐gi nī madilo nāḍaguṁḍīnā
malasi malasi yiṭṭĕ māḍalāḍina māḍa
kalasi nī marmālu kalam̐saguṁḍīnā
(||nivvĕ||)
simmusum̐ jimmusu niṁti sĕnagina sĕnagulu
kimmula ninniṭṭĕ giligiṁchaguṁḍīnā
kammaram̐ gammara nīdo kaṁduva navvina navvu
dimmurem̐si nīguṇamu teliṁchaguṁḍīnā
(||nivvĕ||)
karam̐gi karam̐gi kāṁta kām̐giliṁchina kām̐gili
aramarabiṁchi āyā laṁṭaguṁḍīnā
yiravai śhrīvĕṁkaḍeśha yiddari mammum̐ gūḍidi
garima nīgiṭṭĕ tārugāṇagāguṁḍīnā