నిత్యులు ముక్తులు నిర్మలచిత్తులు నిగమాంతవిదులు వైష్ణవులు
(॥పల్లవి॥)
నిత్యులు ముక్తులు నిర్మలచిత్తులు నిగమాంతవిదులు వైష్ణవులు
సత్యము వీరల శరణని బ్రదుకరో సాటికిఁ బెనఁగక జడులాల
(॥నిత్యు॥)
సకలోపాయశూన్యులు సమ్యగ్జ్జ్ఞానపూర్ణులు
అకలంకులు శంఖచక్రలాంఛను లన్నిట బూజ్యులు వైష్ణవులు
వొకటీ గోరరు వొరుల గొలువరు వొల్లరు బ్రహ్మదిపట్టములు
అకటా వీరలసరియనఁ బాపం బారుమతంబులపూఁతకోకల
(॥నిత్యు॥)
మంత్రాంతరసాధనాంతరంబులు మానినపుణ్యులు విరక్తులు
యంత్రపుమాయలఁ బొరలుపరులకు యెంతైనా మొక్కరు వైష్ణవులు
తంత్రపుకామక్రోధవిదూరులు తమనిజధర్మము వదలరు
జంత్రపుసంసారులతో వీరల సరియని యెంచఁగఁ బాపమయ్య
(॥నిత్యు॥)
తప్పరు తమపట్టినవ్రత మెప్పుడు దైవ మొక్కడేఁ గతియనుచు
వొప్పగుతమపాతివ్రత్యంబున నుందురు సుఖమున వైష్ణవులు
కప్పిన శ్రీవేంకటపతిదాసులు కర్మవిదూరులు సాత్వికులు
చెప్పకుఁడితరుల సరిగా వీరికి సేవించఁగ నే ధన్యుఁడనైతి
(||pallavi||)
nityulu muktulu nirmalasittulu nigamāṁtavidulu vaiṣhṇavulu
satyamu vīrala śharaṇani bradugaro sāḍigim̐ bĕnam̐gaga jaḍulāla
(||nityu||)
sagalobāyaśhūnyulu samyagjjñānabūrṇulu
agalaṁkulu śhaṁkhasakralāṁchhanu lanniḍa būjyulu vaiṣhṇavulu
vŏgaḍī goraru vŏrula gŏluvaru vŏllaru brahmadibaṭṭamulu
agaḍā vīralasariyanam̐ bābaṁ bārumadaṁbulabūm̐tagogala
(||nityu||)
maṁtrāṁtarasādhanāṁtaraṁbulu māninabuṇyulu viraktulu
yaṁtrabumāyalam̐ bŏralubarulagu yĕṁtainā mŏkkaru vaiṣhṇavulu
taṁtrabugāmakrodhavidūrulu tamanijadharmamu vadalaru
jaṁtrabusaṁsārulado vīrala sariyani yĕṁcham̐gam̐ bābamayya
(||nityu||)
tapparu tamabaṭṭinavrada mĕppuḍu daiva mŏkkaḍem̐ gadiyanusu
vŏppagudamabādivratyaṁbuna nuṁduru sukhamuna vaiṣhṇavulu
kappina śhrīveṁkaḍabadidāsulu karmavidūrulu sātvigulu
sĕppagum̐ḍidarula sarigā vīrigi seviṁcham̐ga ne dhanyum̐ḍanaidi