(॥పల్లవి॥)
నినుఁ బాసినయట్లు నెలఁతకు వియోగదశ
లెన్నడునుఁ దోప విదియేమో గాని
(॥నిను॥)
నినుఁ దలచి లలితాంగి నీరూప మాత్మలోఁ
గని నీవు నవి బయలు కౌఁగిలించినది
తనర నాకాశతత్త్వము నీమహత్త్వమని
వనిత యెవ్వరిచేత వినెనోకాని
(॥నిను॥)
నినుఁ బొగడి నీరూపు కనుదోయి కెదురైన
తనివి దీఱక బయలు తగఁ జూడఁదొడఁగి
మునుకొన్న సర్వతోముఖుఁడ వనఁగా నిన్ను
వెనుక కే భావమున వినెనో కాని
(॥నిను॥)
తలఁపునను వాకుననుఁ దలఁపఁ దలఁపఁగ నీవు
కలసి యీ కమలాక్షిఁ గౌగిలించితివి
తెలసితిమి వేంకటాధిపతి నీ విన్నింటఁ
గలవనెడిమాట నిక్కంబువోకాని
(||pallavi||)
ninum̐ bāsinayaṭlu nĕlam̐tagu viyogadaśha
lĕnnaḍunum̐ doba vidiyemo gāni
(||ninu||)
ninum̐ dalasi lalidāṁgi nīrūba mātmalom̐
gani nīvu navi bayalu kaum̐giliṁchinadi
tanara nāgāśhadattvamu nīmahattvamani
vanida yĕvvariseda vinĕnogāni
(||ninu||)
ninum̐ bŏgaḍi nīrūbu kanudoyi kĕduraina
tanivi dīṟaga bayalu tagam̐ jūḍam̐dŏḍam̐gi
munugŏnna sarvadomukhum̐ḍa vanam̐gā ninnu
vĕnuga ke bhāvamuna vinĕno kāni
(||ninu||)
talam̐punanu vāgunanum̐ dalam̐pam̐ dalam̐pam̐ga nīvu
kalasi yī kamalākṣhim̐ gaugiliṁchidivi
tĕlasidimi veṁkaḍādhibadi nī vinniṁṭam̐
galavanĕḍimāḍa nikkaṁbuvogāni