నిన్నుఁ జూచి వేడుకాయ నేఁడు మాకెల్లాను
(॥పల్లవి॥)
నిన్నుఁ జూచి వేడుకాయ నేఁడు మాకెల్లాను
పన్నిన నీ కోరికలు ఫలియించె నిపుడు
(॥నిన్ను॥)
జవ్వనమదముతోడ సతి నీవద్దఁ గూచుండి
నవ్వులు నవ్వఁగా నీకు నాటె మోహము
వువ్విళ్లూర నాపె నిన్ను వడి వట్టి తియ్యఁగాను
నివ్వటిల్లుఁజెమటలు నిలువెల్లా నిండెను
(॥నిన్ను॥)
కులుకుఁజన్నులతోడ కొమ్మ నిన్నుఁ గొరుచు
పలుకఁగా నీమర్మాలు పచ్చి దేరెను
మొలకసిగ్గులతోడ ముంచి నిన్నాపె చూడఁగా
కళలెల్లా నీమోమును కారు కమ్మెను
(॥నిన్ను॥)
కామిని నిన్నేకతానఁగాఁగిలించుకొనఁ గాను
దోమటి మెయిఁ బులకలు తొట్టుకొనెను
కామించి శ్రీ వేంకటేశ కలికి నిన్నుఁగూడఁగ
నీమనసులో వలపు నిండుకొనెను
(||pallavi||)
ninnum̐ jūsi veḍugāya nem̐ḍu māgĕllānu
pannina nī korigalu phaliyiṁchĕ nibuḍu
(||ninnu||)
javvanamadamudoḍa sadi nīvaddam̐ gūsuṁḍi
navvulu navvam̐gā nīgu nāḍĕ mohamu
vuvviḽlūra nābĕ ninnu vaḍi vaṭṭi tiyyam̐gānu
nivvaḍillum̐jĕmaḍalu niluvĕllā niṁḍĕnu
(||ninnu||)
kulugum̐jannuladoḍa kŏmma ninnum̐ gŏrusu
palugam̐gā nīmarmālu pachchi derĕnu
mŏlagasigguladoḍa muṁchi ninnābĕ sūḍam̐gā
kaḽalĕllā nīmomunu kāru kammĕnu
(||ninnu||)
kāmini ninnegadānam̐gām̐giliṁchugŏnam̐ gānu
domaḍi mĕyim̐ bulagalu tŏṭṭugŏnĕnu
kāmiṁchi śhrī veṁkaḍeśha kaligi ninnum̐gūḍam̐ga
nīmanasulo valabu niṁḍugŏnĕnu