(॥పల్లవి॥)
నిన్నుఁ గూడిన విభుని నిలువెల్ల సొంపాయ
నిన్నియును నొనగూడె నింతలోపలనె
(॥నిన్ను॥)
సొలపు నీ కడగంటిచూపు హృదయము గాఁడి
లలినితఁడు శ్రీవత్సలాంఛనుండాయ
వెలఁది నినుఁ బెడఁ బాసి విరహంపుమెయికాఁక -
వలన నీతఁడు నీలవర్ణుఁడైనాఁడు
(॥నిన్ను॥)
అదన నీ చనుగుబ్బలను చక్రముల చేతఁ
బదిలపరపుచు చక్రపాణియైనాఁడు
సుదతి నీ దేహమున సొబగు కుంకుమపూఁత-
లెదిగి పీతాంబరంబీతనికి నాయ
(॥నిన్ను॥)
ఆలింగనాపేక్షననయంబు నినుఁగూడ
లోలుఁడటుగాన నాలుగుచేతులాయ
శ్రీలలితమూ ర్తియగు శ్రీ వేంకటేశ్వరుఁడు
పాలించె నిను నీకుఁ బరితోషమాయ
(||pallavi||)
ninnum̐ gūḍina vibhuni niluvĕlla sŏṁpāya
ninniyunu nŏnagūḍĕ niṁtalobalanĕ
(||ninnu||)
sŏlabu nī kaḍagaṁṭisūbu hṛdayamu gām̐ḍi
lalinidam̐ḍu śhrīvatsalāṁchhanuṁḍāya
vĕlam̐di ninum̐ bĕḍam̐ bāsi virahaṁpumĕyigām̐ka -
valana nīdam̐ḍu nīlavarṇum̐ḍainām̐ḍu
(||ninnu||)
adana nī sanugubbalanu sakramula sedam̐
badilabarabusu sakrabāṇiyainām̐ḍu
sudadi nī dehamuna sŏbagu kuṁkumabūm̐ta-
lĕdigi pīdāṁbaraṁbīdanigi nāya
(||ninnu||)
āliṁganābekṣhananayaṁbu ninum̐gūḍa
lolum̐ḍaḍugāna nālugusedulāya
śhrīlalidamū rdiyagu śhrī veṁkaḍeśhvarum̐ḍu
pāliṁchĕ ninu nīgum̐ baridoṣhamāya