నిన్నుఁ బాయఁగలఁడటే నిమిషమైనా నీతఁడు
(॥పల్లవి॥)
నిన్నుఁ బాయఁగలఁడటే నిమిషమైనా నీతఁడు
వున్నతి నీ కతలనే వోలలాడు నీతఁడు
(॥నిన్నుఁ॥)
తాపపు విరహమేలే తలవంచుకొననేలే
నీపై బత్తిఁగలఁడు నీమగఁడు
మాపు దాఁకా చింతలేలే మమ్ము నింతడుగనేలే
యేపొద్దు నీ గుణములే యెంచుకొను నీతఁడు
(॥నిన్నుఁ॥)
లేకలు వాయించనేలే లేమల నంపఁగనేలే
వాకిటికి నింతలోనే వచ్చె నీతఁడు
జోకతో సగినాలేలే చూచి తమకించనేలే
నీకుఁగానే యాకారు నిచ్చ నిచ్చా నీతఁడు
(॥నిన్నుఁ॥)
చెక్కిటిచే యిఁకనేలే సిగ్గులు వడఁగనేలే
ఇక్కడ శ్రీవేంకటేశుఁ డేలె నిన్నును
మొక్కులు మొక్కఁగనేలే ముసిముసినవ్వులేలే
మక్కువ నీ రతులే మరిగినాఁ డీతఁడు
(||pallavi||)
ninnum̐ bāyam̐galam̐ḍaḍe nimiṣhamainā nīdam̐ḍu
vunnadi nī kadalane volalāḍu nīdam̐ḍu
(||ninnum̐||)
tābabu virahamele talavaṁchugŏnanele
nībai battim̐galam̐ḍu nīmagam̐ḍu
mābu dām̐kā siṁtalele mammu niṁtaḍuganele
yebŏddu nī guṇamule yĕṁchugŏnu nīdam̐ḍu
(||ninnum̐||)
legalu vāyiṁchanele lemala naṁpam̐ganele
vāgiḍigi niṁtalone vachchĕ nīdam̐ḍu
jogado saginālele sūsi tamagiṁchanele
nīgum̐gāne yāgāru nichcha nichchā nīdam̐ḍu
(||ninnum̐||)
sĕkkiḍise yim̐kanele siggulu vaḍam̐ganele
ikkaḍa śhrīveṁkaḍeśhum̐ ḍelĕ ninnunu
mŏkkulu mŏkkam̐ganele musimusinavvulele
makkuva nī radule mariginām̐ ḍīdam̐ḍu