నిండునిధానమువలె నీవు గలిగుండఁగాను
(॥పల్లవి॥)
నిండునిధానమువలె నీవు గలిగుండఁగాను
పండినయోగికిఁ బూర్ణభావనె మంచిది
(॥నిండు॥)
కలకాలము భూమిఁ గతలె వింటిమిగాని
నలనహుషాదు లున్నారా యేమి
యిలలో నితరు లెల్లా నేమి లేక్క యిందుకుఁగా
యెలయింపువిషయాల యేమరఁగఁ దగునా
(॥నిండు॥)
చేపట్టి పురాణాలు చెప్పఁగా వింటిమి గాని
బాపురె దుర్యోధనుసంపద యేది
కాపాడ నిప్పటివారికలిమి యెంచఁగ నేది
యీపాటిపనికిఁగా నిది గోరఁ దగునా
(॥నిండు॥)
మళ్లీ మళ్లీ భూమిలోన మాటలె వింటిమి గాని
తొల్లిటి బలాఢ్యుల సత్తువ లేవి
వెల్లవిరై యెప్పుడూ శ్రీవెంకటనాథ నీదాసు
లెల్లకాలముఁ జెడని యీబలిమె నిజము
(||pallavi||)
niṁḍunidhānamuvalĕ nīvu galiguṁḍam̐gānu
paṁḍinayogigim̐ būrṇabhāvanĕ maṁchidi
(||niṁḍu||)
kalagālamu bhūmim̐ gadalĕ viṁṭimigāni
nalanahuṣhādu lunnārā yemi
yilalo nidaru lĕllā nemi lekka yiṁdugum̐gā
yĕlayiṁpuviṣhayāla yemaram̐gam̐ dagunā
(||niṁḍu||)
sebaṭṭi purāṇālu sĕppam̐gā viṁṭimi gāni
bāburĕ duryodhanusaṁpada yedi
kābāḍa nippaḍivārigalimi yĕṁcham̐ga nedi
yībāḍibanigim̐gā nidi goram̐ dagunā
(||niṁḍu||)
maḽlī maḽlī bhūmilona māḍalĕ viṁṭimi gāni
tŏlliḍi balāḍhyula sattuva levi
vĕllavirai yĕppuḍū śhrīvĕṁkaḍanātha nīdāsu
lĕllagālamum̐ jĕḍani yībalimĕ nijamu