(॥పల్లవి॥)
నిండుమోహమున నాపె నిలుచున్న దీమేలు
వండ వండనట్లాయ వచ్చేవో రావో
(॥నిండు॥)
పిలువఁగఁ బిలువఁగ బిగిసేవు సారెసారె
చలము సాదింతురా సతులతోను
తలఁపు గడుమెత్తన దంటతనమే గాని
వలవని సటలేల వచ్చేవో రావో
(॥నిండు॥)
తడవఁగఁ దడవఁగఁ దప్పించుకోఁ జూచేవు
నిడివిఁ బెట్టుదురా నెలఁతలను
వడిసీఁ జెమటలు నీకు వట్టి దీమసమె కాని
వడచల్లీ విరహము వచ్చేవో రావో
(॥నిండు॥)
కూడఁగఁ గూడఁగఁ గొసరేవు మీఁద మీఁద
తోడనె యలయింతురా తొయ్యలులను
వేడుకతో దగ్గరి శ్రీ వేంకటేశ కూడితివి
వాడికెగా నిట్లనే వచ్చేవో రావో
(||pallavi||)
niṁḍumohamuna nābĕ nilusunna dīmelu
vaṁḍa vaṁḍanaṭlāya vachchevo rāvo
(||niṁḍu||)
piluvam̐gam̐ biluvam̐ga bigisevu sārĕsārĕ
salamu sādiṁturā saduladonu
talam̐pu gaḍumĕttana daṁṭadaname gāni
valavani saḍalela vachchevo rāvo
(||niṁḍu||)
taḍavam̐gam̐ daḍavam̐gam̐ dappiṁchugom̐ jūsevu
niḍivim̐ bĕṭṭudurā nĕlam̐talanu
vaḍisīm̐ jĕmaḍalu nīgu vaṭṭi dīmasamĕ kāni
vaḍasallī virahamu vachchevo rāvo
(||niṁḍu||)
kūḍam̐gam̐ gūḍam̐gam̐ gŏsarevu mīm̐da mīm̐da
toḍanĕ yalayiṁturā tŏyyalulanu
veḍugado daggari śhrī veṁkaḍeśha kūḍidivi
vāḍigĕgā niṭlane vachchevo rāvo