నిండుదొర వౌదు నీగుణము మేలు నిన్ను నమ్మవలెఁ బో
(॥పల్లవి॥)
నిండుదొర వౌదు నీగుణము మేలు నిన్ను నమ్మవలెఁ బో
పండిన మామిడిపై చిలుకవలె పచ్చిదేర నేల తిరిగేవయ్యా
(॥నిండు॥)
వనిత కొండంత వలపుతో నీ వరుసఁకు గాచుకుండఁగా
చినుకు జీఁకటి పొద్దున నీ వేడ చెలితో నవ్వేవయ్యా
మనసార నీవె నిప్పువంటిబాస మగువకు నిచ్చి వచ్చితి
అనుగు నామనికోవిలవలె నాడా నీదా నేల తిరిగేవయ్యా
(॥నిండు॥)
యింతి సముద్రమువంటి తమకాన యెదురెదురె చూడఁగా
యింతలోఁ గాఁదారి మాఁదారి పొద్దుననెవ్వతెఁజూచేవయ్యా
వంతదీరఁ దాఁచుఁబామువంటి దేవరమీంద నానవెట్టితి
వంతుకు నీ విట్టె జుంటియీఁగవలె వాడ వాడ నేల తిరిగేవయ్యా
(॥నిండు॥)
చెలి చుక్క లన్ని కోరికలతోడ చిత్తము నీ కిచ్చుకుండఁగా
పొలసి ముచ్చిమి పొద్దున నెడపూఁబోఁడిఁ బిలిచేవయ్యా
కలికి శ్రీవెంకటనాథ నీవె గారవించి సతిఁ గూడితి
కొలఁకుల నీఁదేరాయంచవలె కోడెకాఁడ యేలతిరిగేవయ్యా
(||pallavi||)
niṁḍudŏra vaudu nīguṇamu melu ninnu nammavalĕm̐ bo
paṁḍina māmiḍibai silugavalĕ pachchidera nela tirigevayyā
(||niṁḍu||)
vanida kŏṁḍaṁta valabudo nī varusam̐ku gāsuguṁḍam̐gā
sinugu jīm̐kaḍi pŏdduna nī veḍa sĕlido navvevayyā
manasāra nīvĕ nippuvaṁṭibāsa maguvagu nichchi vachchidi
anugu nāmanigovilavalĕ nāḍā nīdā nela tirigevayyā
(||niṁḍu||)
yiṁti samudramuvaṁṭi tamagāna yĕdurĕdurĕ sūḍam̐gā
yiṁtalom̐ gām̐dāri mām̐dāri pŏddunanĕvvadĕm̐jūsevayyā
vaṁtadīram̐ dām̐sum̐bāmuvaṁṭi devaramīṁda nānavĕṭṭidi
vaṁtugu nī viṭṭĕ juṁṭiyīm̐gavalĕ vāḍa vāḍa nela tirigevayyā
(||niṁḍu||)
sĕli sukka lanni korigaladoḍa sittamu nī kichchuguṁḍam̐gā
pŏlasi muchchimi pŏdduna nĕḍabūm̐bom̐ḍim̐ bilisevayyā
kaligi śhrīvĕṁkaḍanātha nīvĕ gāraviṁchi sadim̐ gūḍidi
kŏlam̐kula nīm̐derāyaṁchavalĕ koḍĕgām̐ḍa yeladirigevayyā