(॥పల్లవి॥)
నిండిన వేడుకలెల్ల నీకె గాక
అండనె తాపము చల్ల నమరెగా నాకు
(॥నిండిన॥)
మగువకన్నుల మొక్కు మట్టెల పాదపుఁ దొక్కు
నిగుడు వాతెరనొక్కు నీకె కాక
అగడునెరుల చిక్కు అరచేతిపై చెక్కు
వగల గుక్కును మిక్కు వన్నెగా నాకు
(॥నిండిన॥)
తొయ్యలిఁ గూడినరట్టు తుదచెమటల మెట్టు
నెయ్యపుమాటల గుట్టు నీకె కాక
పయ్యద జారినకట్టు భారంపు నొసలిపట్టు
కయ్యపుటలుక తిట్టు గలిగెఁగా నాకు
(॥నిండిన॥)
మొగలిపువ్వులతావి ముంచినకన్నులకావి
నిగనిగ నగుమోవి నీకె కాక
సగము జారిన నీవి చనవుల నీదేవి-
నగుట వేంకటేశ నేఁడబ్బెఁగా నాకు
(||pallavi||)
niṁḍina veḍugalĕlla nīgĕ gāga
aṁḍanĕ tābamu salla namarĕgā nāgu
(||niṁḍina||)
maguvagannula mŏkku maṭṭĕla pādabum̐ dŏkku
niguḍu vādĕranŏkku nīgĕ kāga
agaḍunĕrula sikku arasedibai sĕkku
vagala gukkunu mikku vannĕgā nāgu
(||niṁḍina||)
tŏyyalim̐ gūḍinaraṭṭu tudasĕmaḍala mĕṭṭu
nĕyyabumāḍala guṭṭu nīgĕ kāga
payyada jārinagaṭṭu bhāraṁpu nŏsalibaṭṭu
kayyabuḍaluga tiṭṭu galigĕm̐gā nāgu
(||niṁḍina||)
mŏgalibuvvuladāvi muṁchinagannulagāvi
niganiga nagumovi nīgĕ kāga
sagamu jārina nīvi sanavula nīdevi-
naguḍa veṁkaḍeśha nem̐ḍabbĕm̐gā nāgu