నిలుచున్నాఁ డాతఁడు నివ్వెరగంది నీవు
(॥పల్లవి॥)
నిలుచున్నాఁ డాతఁడు నివ్వెరగంది నీవు
సళుపుఁ జూపుల నేల సాదించేవే
(॥నిలు॥)
చనవుసేసుక నీవు సణఁగులు చల్లితేను
ననుపు సేసు కతఁడు నవ్వు నవ్వెను
పెనచి సరికిసరె బేసిగాదు నీవేల
వెనకటి నేరాలెంచి విడనాడేవే
(॥నిలు॥)
నిందలువేసి నీవు నేరము లెంచితేను
కందువలంటి యతఁడు కళరేఁచెను
యిందుకు నందుకు నీడె యీఁతకంటె లోతులేదు
మందెమేళాన నింకేల మచ్చరించేవే
(॥నిలు॥)
వావులుచూపి నీవు వలపించి కూడితేను
మోవులుచూపి యితఁడు మోహింపించెను
నీవు నాతఁడు నొక్కటే నేమె మీఁదమిక్కిలి
శ్రీవెంకటేశుఁడె తాను చిమ్ములురేఁచకువే
(||pallavi||)
nilusunnām̐ ḍādam̐ḍu nivvĕragaṁdi nīvu
saḽubum̐ jūbula nela sādiṁcheve
(||nilu||)
sanavusesuga nīvu saṇam̐gulu sallidenu
nanubu sesu kadam̐ḍu navvu navvĕnu
pĕnasi sarigisarĕ besigādu nīvela
vĕnagaḍi nerālĕṁchi viḍanāḍeve
(||nilu||)
niṁdaluvesi nīvu neramu lĕṁchidenu
kaṁduvalaṁṭi yadam̐ḍu kaḽarem̐sĕnu
yiṁdugu naṁdugu nīḍĕ yīm̐tagaṁṭĕ loduledu
maṁdĕmeḽāna niṁkela machchariṁcheve
(||nilu||)
vāvulusūbi nīvu valabiṁchi kūḍidenu
movulusūbi yidam̐ḍu mohiṁpiṁchĕnu
nīvu nādam̐ḍu nŏkkaḍe nemĕ mīm̐damikkili
śhrīvĕṁkaḍeśhum̐ḍĕ tānu simmulurem̐saguve