నేరుచుకోవే నీవు నిక్కము దంటతనము
(॥పల్లవి॥)
నేరుచుకోవే నీవు నిక్కము దంటతనము
ఆరితేరితే నిన్ను నటు రట్టుసేయఁడా
(॥నేరు॥)
చెక్కుచేతితోడనింకా సిగ్గుపడేవు పతితో
మక్కువనేకతవేళ మరఁగేఁటికే
పక్కనఁ గన్నెవుగాఁగా పాలార్చీఁ గాకతఁడు
వెక్కసపు బ్రోడవైతే వెల్లవిరి సేయఁగా
(॥నేరు॥)
నాలిసేసి పానుపుపై నవ్వులు నవ్వేవు ఈనవు
కోలుముందైనమీఁదఁ గొంకనేఁటికే
పోలించి ముగ్ధవుగాఁగా పొదిగీఁగాకాతఁడు
అలరి గద్దరివైతే నాయాలు సోఁకించఁడా
(॥నేరు॥)
పొంచినట్టి రతివేళ బొమ్మల జంకించేవు
మంచమెక్కి వావులింకా మానవేఁటికే
అంచెనురమెక్కించెఁగా కలమేలుమంగవని
నించి శ్రీవేంకటేశుఁడు నీకంటె మించఁడా
(||pallavi||)
nerusugove nīvu nikkamu daṁṭadanamu
ārideride ninnu naḍu raṭṭuseyam̐ḍā
(||neru||)
sĕkkusedidoḍaniṁkā siggubaḍevu padido
makkuvanegadaveḽa maram̐gem̐ṭige
pakkanam̐ gannĕvugām̐gā pālārsīm̐ gāgadam̐ḍu
vĕkkasabu broḍavaide vĕllaviri seyam̐gā
(||neru||)
nālisesi pānububai navvulu navvevu īnavu
kolumuṁdainamīm̐dam̐ gŏṁkanem̐ṭige
poliṁchi mugdhavugām̐gā pŏdigīm̐gāgādam̐ḍu
alari gaddarivaide nāyālu som̐kiṁcham̐ḍā
(||neru||)
pŏṁchinaṭṭi radiveḽa bŏmmala jaṁkiṁchevu
maṁchamĕkki vāvuliṁkā mānavem̐ṭige
aṁchĕnuramĕkkiṁchĕm̐gā kalamelumaṁgavani
niṁchi śhrīveṁkaḍeśhum̐ḍu nīgaṁṭĕ miṁcham̐ḍā