నేరుపరులకు నెల్లా నీవు సేసినదే పాడి
(॥పల్లవి॥)
నేరుపరులకు నెల్లా నీవు సేసినదే పాడి
ఆరయఁ గడపరాయ అంతవాఁడవౌదువు
(॥నేరు॥)
కందువమాటలనే కంకణాలు గట్టికట్టి
సందడిఁ బెండ్లాడేవు చతురుఁడవు
చందమామగుటుకల సారెనవ్వి వావులెల్లా
అందలానఁ బెట్టుకొంటి వంతవాఁడవౌదువు
(॥నేరు॥)
పోరచి మోవితేనెలు పొదిగి తోడంటువెట్టి
సారెకు విందవెట్టేవు చతురుఁడవు
కోరి నిన్నుఁ జూచితే నాకొనచూపుల ముత్యాల
హారాలుగా వేసుకొనే వంతవాఁడవౌదువు
(॥నేరు॥)
వొల్లనే చేతులు చాఁచి వుడివోని వలపులు
చల్లి వుంకువలిచ్చేవు చతురుఁడవు
యెల్లగా శ్రీవెంకటాద్రినెనసి నావిన్నపాలు
అల్లంతనే వింటివంతవాఁడవౌదువు
(||pallavi||)
nerubarulagu nĕllā nīvu sesinade pāḍi
ārayam̐ gaḍabarāya aṁtavām̐ḍavauduvu
(||neru||)
kaṁduvamāḍalane kaṁkaṇālu gaṭṭigaṭṭi
saṁdaḍim̐ bĕṁḍlāḍevu sadurum̐ḍavu
saṁdamāmaguḍugala sārĕnavvi vāvulĕllā
aṁdalānam̐ bĕṭṭugŏṁṭi vaṁtavām̐ḍavauduvu
(||neru||)
porasi movidenĕlu pŏdigi toḍaṁṭuvĕṭṭi
sārĕgu viṁdavĕṭṭevu sadurum̐ḍavu
kori ninnum̐ jūside nāgŏnasūbula mutyāla
hārālugā vesugŏne vaṁtavām̐ḍavauduvu
(||neru||)
vŏllane sedulu sām̐si vuḍivoni valabulu
salli vuṁkuvalichchevu sadurum̐ḍavu
yĕllagā śhrīvĕṁkaḍādrinĕnasi nāvinnabālu
allaṁtane viṁṭivaṁtavām̐ḍavauduvu