(॥పల్లవి॥)
నేరుపరి విన్నిటాను నెరజాణవు
మేరలు మీరేవారము మేము మీకెదురా
(॥నేరు॥)
మారుకొని నీతోడ మీటలాడ వసమా
బీరానఁ జదివేవి పెనువేదాలు
గారవాన వేసేవి గాలాలైతే నాయఁగాక
తీరువడరైరా నీలో త్రిపురాంగనలు
(॥నేరు॥)
సాదించి నీదిక్కు చక్కఁజూడవశమా
గాదిలినీచూపులు అంగజుశాస్త్రాలు
కాదన నీచేఁతలు చీఁకటివైతే నాయఁగాక
సేద దేరరైరా నీలో చేరి గొల్లసతులు
(॥నేరు॥)
జాడల నీమోవితీపు చవిగొనవశమా
ఆడుకొందు వందునే మోహనమంత్రాలు
కూడనా శ్రీ వేంకటేశ గొల్లవైతే నవుదుగాక
యీడ నే నలమేల్మంగ నిందరును మెచ్చరా
(||pallavi||)
nerubari vinniḍānu nĕrajāṇavu
meralu mīrevāramu memu mīgĕdurā
(||neru||)
mārugŏni nīdoḍa mīḍalāḍa vasamā
bīrānam̐ jadivevi pĕnuvedālu
gāravāna vesevi gālālaide nāyam̐gāga
tīruvaḍarairā nīlo triburāṁganalu
(||neru||)
sādiṁchi nīdikku sakkam̐jūḍavaśhamā
gādilinīsūbulu aṁgajuśhāstrālu
kādana nīsem̐talu sīm̐kaḍivaide nāyam̐gāga
seda derarairā nīlo seri gŏllasadulu
(||neru||)
jāḍala nīmovidību savigŏnavaśhamā
āḍugŏṁdu vaṁdune mohanamaṁtrālu
kūḍanā śhrī veṁkaḍeśha gŏllavaide navudugāga
yīḍa ne nalamelmaṁga niṁdarunu mĕchcharā