(॥పల్లవి॥)
నేరిచి బ్రదికేవారు నీదాసులు
నేరమిఁ బాసినవారు నీదాసులు
(॥నేరి॥)
కామముఁ గ్రోధము రెంటీఁ గాదని విడిచి మంచి-
నేమము వట్టినవారే నీదాసులు
దోమటి బాపపుణ్యాలఁ దుంచివేసి చూడగాఁనే
నీమాయ గెలిచినారు నీదాసులు
(॥నేరి॥)
కిక్కిరించిన యాసలఁ గిందవేసి మోక్షము
నిక్కి నిక్కి చూచేవారు నీదాసులు
వెక్కసపు భక్తితోడ వెఱపు మఱపు లేక
నెక్కొన్న మహిమవారు నీదాసులు
(॥నేరి॥)
అట్టె వేదశాస్త్రముల అర్థము దేటపఱచి
నెట్టుకొని మించినారు నీదాసులు
యిట్టె శ్రీవేంకటేశ యితరమార్గములెల్లా
నెట్టువడఁ దోసినారు నీదాసులు
(||pallavi||)
nerisi bradigevāru nīdāsulu
neramim̐ bāsinavāru nīdāsulu
(||neri||)
kāmamum̐ grodhamu rĕṁṭīm̐ gādani viḍisi maṁchi-
nemamu vaṭṭinavāre nīdāsulu
domaḍi bābabuṇyālam̐ duṁchivesi sūḍagām̐ne
nīmāya gĕlisināru nīdāsulu
(||neri||)
kikkiriṁchina yāsalam̐ giṁdavesi mokṣhamu
nikki nikki sūsevāru nīdāsulu
vĕkkasabu bhaktidoḍa vĕṟabu maṟabu lega
nĕkkŏnna mahimavāru nīdāsulu
(||neri||)
aṭṭĕ vedaśhāstramula ardhamu deḍabaṟasi
nĕṭṭugŏni miṁchināru nīdāsulu
yiṭṭĕ śhrīveṁkaḍeśha yidaramārgamulĕllā
nĕṭṭuvaḍam̐ dosināru nīdāsulu