(॥పల్లవి॥)
నేర్పుకంటెఁ బెన్నిధి గద్దా
ఓర్పుకంటె సుఖమొకటిఁక గద్దా
(॥నేర్పు॥)
కరుణకు నెక్కుడు గతి యిఁకఁ గద్దా
సరసతకెక్కుడు సరి గద్దా
గురుమతిఁ జత్తము కూరిమి నిలిపిన
వెరవుకంటె విధమిక గద్దా
(॥నేర్పు॥)
కలిమి కంటెఁ జీఁకటి మరి కద్దా
బలిమికంటె నాపద గద్దా
గెలుప(గఁ) దెలిసి లంకించిన మతితోఁ
జెలఁగుకంటె నిజసిరి యిఁకఁ గద్దా
(॥నేర్పు॥)
పోయముకంటె నపాయము గద్దా
కాయపు రోఁతకుఁ గడ గద్దా
పాయక వేంకటపతి కృప గోరిన
యీయభిమతమున కెదురిఁకఁ గద్దా
(||pallavi||)
nerbugaṁṭĕm̐ bĕnnidhi gaddā
orbugaṁṭĕ sukhamŏgaḍim̐ka gaddā
(||nerbu||)
karuṇagu nĕkkuḍu gadi yim̐kam̐ gaddā
sarasadagĕkkuḍu sari gaddā
gurumadim̐ jattamu kūrimi nilibina
vĕravugaṁṭĕ vidhamiga gaddā
(||nerbu||)
kalimi kaṁṭĕm̐ jīm̐kaḍi mari kaddā
balimigaṁṭĕ nābada gaddā
gĕluba(gam̐) dĕlisi laṁkiṁchina madidom̐
jĕlam̐gugaṁṭĕ nijasiri yim̐kam̐ gaddā
(||nerbu||)
poyamugaṁṭĕ nabāyamu gaddā
kāyabu rom̐tagum̐ gaḍa gaddā
pāyaga veṁkaḍabadi kṛpa gorina
yīyabhimadamuna kĕdurim̐kam̐ gaddā