(॥పల్లవి॥)
నెఱజాణతనమూ నీ కింత కలదట
చిఱునవ్వుఁ జెలికింత చింతైన వలదా
(॥నెఱ॥)
నిక్కమైన బిగువు నీకింత గలదట
చక్కనియింతికి వద్దా జడనైనాను
ఎక్కడో నీమనసు ఎంతైనఁ గలదట
చెక్కు మీఁద దరుణికిఁ జేయైన వలదా
(॥నెఱ॥)
నెలకొన్నకసరు నీ కింత గలదట
వెలఁదిమతికి వద్దా వెరగైనా
నిలువుఁజెలువమూ నీకింత కలదట
కలికి చెలికిఁ గొంత కాఁకైన వలదా
(॥నెఱ॥)
నీమేనివెరపూ నీ కింతకలదట
భామకు వద్దా తలప ట్టయినా
నేమము వేంకటేశ నీ కింతగలదట
కామినికి నింత వద్దా కౌఁగిట నీచనవూ
(||pallavi||)
nĕṟajāṇadanamū nī kiṁta kaladaḍa
siṟunavvum̐ jĕligiṁta siṁtaina valadā
(||nĕṟa||)
nikkamaina biguvu nīgiṁta galadaḍa
sakkaniyiṁtigi vaddā jaḍanainānu
ĕkkaḍo nīmanasu ĕṁtainam̐ galadaḍa
sĕkku mīm̐da daruṇigim̐ jeyaina valadā
(||nĕṟa||)
nĕlagŏnnagasaru nī kiṁta galadaḍa
vĕlam̐dimadigi vaddā vĕragainā
niluvum̐jĕluvamū nīgiṁta kaladaḍa
kaligi sĕligim̐ gŏṁta kām̐kaina valadā
(||nĕṟa||)
nīmenivĕrabū nī kiṁtagaladaḍa
bhāmagu vaddā talaba ṭṭayinā
nemamu veṁkaḍeśha nī kiṁtagaladaḍa
kāminigi niṁta vaddā kaum̐giḍa nīsanavū