నేనొక్కఁడ లేకుండితే నీ కృపకుఁ బాత్రమేది
(॥పల్లవి॥)
నేనొక్కఁడ లేకుండితే నీ కృపకుఁ బాత్రమేది
పూని నా వల్లనే కీర్తిఁ బొందేవు నీవు
(॥నేనొ॥)
అతిమూఢులలోన నగ్రేసరుఁడ నేను
ప్రతిలేని ఘనగర్వపర్వతమను
తతిఁ బంచేంద్రియముల ధనవంతుఁడను నేను
వెతకి నావంటివాని విడువఁగఁ జెల్లునా
(॥నేనొ॥)
మహిలో సంసారపుసామ్రాజ్యమేలేవాఁడ నేను
యిహమునఁ గర్మ వహికెక్కితి నేను
బహుయోనికూపసంపదఁ దేలేవాఁడ నేను
వహించుక నావంటివానిఁ దేనోపేవా
(॥నేనొ॥)
భావించి నావంటి నీచుఁ బట్టి కాచినప్పుడుగా
యేవంక నీకీర్తి గడునెంతురు భువి
నావల్ల నీకుఁ బుణ్యము నీవల్ల నే బ్రదుకుదు
శ్రీవేంకటేశుఁడ యింత చేరెఁ జుమ్మీ మేలు
(||pallavi||)
nenŏkkam̐ḍa leguṁḍide nī kṛpagum̐ bātramedi
pūni nā vallane kīrdim̐ bŏṁdevu nīvu
(||nenŏ||)
adimūḍhulalona nagresarum̐ḍa nenu
pradileni ghanagarvabarvadamanu
tadim̐ baṁcheṁdriyamula dhanavaṁtum̐ḍanu nenu
vĕdagi nāvaṁṭivāni viḍuvam̐gam̐ jĕllunā
(||nenŏ||)
mahilo saṁsārabusāmrājyamelevām̐ḍa nenu
yihamunam̐ garma vahigĕkkidi nenu
bahuyonigūbasaṁpadam̐ delevām̐ḍa nenu
vahiṁchuga nāvaṁṭivānim̐ denobevā
(||nenŏ||)
bhāviṁchi nāvaṁṭi nīsum̐ baṭṭi kāsinappuḍugā
yevaṁka nīgīrdi gaḍunĕṁturu bhuvi
nāvalla nīgum̐ buṇyamu nīvalla ne bradugudu
śhrīveṁkaḍeśhum̐ḍa yiṁta serĕm̐ jummī melu