నేనేమిఁ జేయఁగలేను నీవు పరిపూర్ణుఁడవు
(॥పల్లవి॥)
నేనేమిఁ జేయఁగలేను నీవు పరిపూర్ణుఁడవు
హీనుఁడ నే నధికుఁడ విన్నిటా నీవు
(॥నేనే॥)
దండము వెట్టుట నాది తప్పు లోఁగొనుట నీది
నిండి నీవెప్పుడు దయానిధివి గాన
అండఁ బేరుకొంట నాది అందుకు నూఁకొంట నీది
దండియైన దేవదేవో త్తముఁడవు గాన
(॥నేనే॥)
శరణు చొచ్చుట నాది సరుగఁ గాచుట నీది
పరమ పురుష శ్రీపతివి నీవు
విరులు చల్లుట నాది వేవేలిచ్చుట నీది
పొరి నీవు భక్తసులభుఁడ వటుగాన
(॥నేనే॥)
దాసుఁడననుట నాది తప్పక యేలుట నీది
ఆసదీర్చే వరదుఁడ వటుగాన
నీసేవ యొక్కటి నాది నిచ్చలుఁ గైకొంట నీది
యీసులేని శ్రీవేంకటేశుఁడవు గాన
(||pallavi||)
nenemim̐ jeyam̐galenu nīvu paribūrṇum̐ḍavu
hīnum̐ḍa ne nadhigum̐ḍa vinniḍā nīvu
(||nene||)
daṁḍamu vĕṭṭuḍa nādi tappu lom̐gŏnuḍa nīdi
niṁḍi nīvĕppuḍu dayānidhivi gāna
aṁḍam̐ berugŏṁṭa nādi aṁdugu nūm̐kŏṁṭa nīdi
daṁḍiyaina devadevo ttamum̐ḍavu gāna
(||nene||)
śharaṇu sŏchchuḍa nādi sarugam̐ gāsuḍa nīdi
parama puruṣha śhrībadivi nīvu
virulu salluḍa nādi vevelichchuḍa nīdi
pŏri nīvu bhaktasulabhum̐ḍa vaḍugāna
(||nene||)
dāsum̐ḍananuḍa nādi tappaga yeluḍa nīdi
āsadīrse varadum̐ḍa vaḍugāna
nīseva yŏkkaḍi nādi nichchalum̐ gaigŏṁṭa nīdi
yīsuleni śhrīveṁkaḍeśhum̐ḍavu gāna