(॥పల్లవి॥)
నేనేమీననఁ జుమ్మీ నెలఁతలాల
తానకమై సిగ్గువడీ తాఁ దానే
(॥నేనే॥)
అప్పుడు వచ్చేనని యానలు వెట్టినవాఁడు
తప్పని బొంకనివాఁడు తాఁదానే
ముప్పిరి నేనింతలోనే మోముచూచి నవ్వితేను
దప్పిదేర సిగ్గువడీ తాఁదానే
(॥నేనే॥)
వుక్కు మీరి విరహాన వుడికించినట్టివాఁడు
తక్కికరుణించేవాఁడు తాఁదానే
ముక్కుమీఁద వేలిడుక మోనమున నేనుండితే
దక్కి సిగ్గుల మునిఁగీ తాఁదానే
(॥నేనే॥)
అగపడి రాజసాననట్టె విఱ్ఱవీఁగేవాఁడు
తగిలి కూడినవాఁడు తాఁదానే
జిగిమించి రతులలో శ్రీవేంకటేశ్వరుఁడు
దగదొట్టి సిగ్గువడీ తాఁదానే
(||pallavi||)
nenemīnanam̐ jummī nĕlam̐talāla
tānagamai sigguvaḍī tām̐ dāne
(||nene||)
appuḍu vachchenani yānalu vĕṭṭinavām̐ḍu
tappani bŏṁkanivām̐ḍu tām̐dāne
muppiri neniṁtalone momusūsi navvidenu
dappidera sigguvaḍī tām̐dāne
(||nene||)
vukku mīri virahāna vuḍigiṁchinaṭṭivām̐ḍu
takkigaruṇiṁchevām̐ḍu tām̐dāne
mukkumīm̐da veliḍuga monamuna nenuṁḍide
dakki siggula munim̐gī tām̐dāne
(||nene||)
agabaḍi rājasānanaṭṭĕ viṭravīm̐gevām̐ḍu
tagili kūḍinavām̐ḍu tām̐dāne
jigimiṁchi radulalo śhrīveṁkaḍeśhvarum̐ḍu
dagadŏṭṭi sigguvaḍī tām̐dāne