నేనేల కాఁగిలించేను నెలఁత నెవ్వతెనైనా
(॥పల్లవి॥)
నేనేల కాఁగిలించేను నెలఁత నెవ్వతెనైనా
కానుకలాయ మోహము కడు మెచ్చవలదా
(॥నేనే॥)
మచ్చరములెల్ల మానె మనసొక్కటాయ నాకు
లచ్చనలు నీమోవిపై లలినుండఁగా
చొచ్చి యధరామృతము సొమ్ము పదిలముగాను
పచ్చిముద్రలు వెట్టె నీపని మెచ్చవలదా
(॥నేనే॥)
చింతలిన్నియునుఁ బాసె సెలవుల నవ్వువచ్చె
పొంతనుండి నీలోనే బుసకొట్టఁగా
దొంతినున్న వలపులు తూరుపెత్తేవేళలకు
అంతలో పొలివారించె నది మెచ్చవలదా
(॥నేనే॥)
చేతికి లోనాయ రతి సేస పిడికిటనిండె
నీతల నన్ను శ్రీవేంకటేశ కూడఁగా
జాతితో నిద్దరమును చద్దికి వేఁడికిఁగాను
యేతులఁ దోడు గడించె నిది మెచ్చవలదా
(||pallavi||)
nenela kām̐giliṁchenu nĕlam̐ta nĕvvadĕnainā
kānugalāya mohamu kaḍu mĕchchavaladā
(||nene||)
machcharamulĕlla mānĕ manasŏkkaḍāya nāgu
lachchanalu nīmovibai lalinuṁḍam̐gā
sŏchchi yadharāmṛtamu sŏmmu padilamugānu
pachchimudralu vĕṭṭĕ nībani mĕchchavaladā
(||nene||)
siṁtalinniyunum̐ bāsĕ sĕlavula navvuvachchĕ
pŏṁtanuṁḍi nīlone busagŏṭṭam̐gā
dŏṁtinunna valabulu tūrubĕtteveḽalagu
aṁtalo pŏlivāriṁchĕ nadi mĕchchavaladā
(||nene||)
sedigi lonāya radi sesa piḍigiḍaniṁḍĕ
nīdala nannu śhrīveṁkaḍeśha kūḍam̐gā
jādido niddaramunu saddigi vem̐ḍigim̐gānu
yedulam̐ doḍu gaḍiṁchĕ nidi mĕchchavaladā