(॥పల్లవి॥)
నేనే పో ఘనుఁడను నీకంటెను
దానవారి నీవు నాకు దైవమవు గాన
(॥నేనే॥)
నేరుపున నాకైతే నీ దిక్కు గలదుగాని
చేరి నీ కావల దిక్కు చెప్పి చూపఁగలదా
అరయ నీవైతే నాకు నాధారము గలవు గా
నూరకే నీకాధారము వున్నదా యెక్కడను
(॥నేనే॥)
నిన్నుఁ గొల్చిన సలిగె నేఁడు నాఁకు గద్దుగాని
సన్నుతి నీకు నొకరి సలిగున్నదా
పెన్నిధి నిన్నుఁ దలఁచే పేరు నాకుఁ గద్దుగాని
వున్నదా నీకుఁ దలఁచ నొకరి పేరైనను
(॥నేనే॥)
యీవులెల్లా నాకైతే నియ్యఁగలవు గాక
ఆవల నీకీవులియ్య నన్యులున్నారా
శ్రీవేంకటేశ నాకు జీవాంతరాత్మవు నీవు
భావించ నంతరాత్మ యప్పటి నీకు నున్నదా
(||pallavi||)
nene po ghanum̐ḍanu nīgaṁṭĕnu
dānavāri nīvu nāgu daivamavu gāna
(||nene||)
nerubuna nāgaide nī dikku galadugāni
seri nī kāvala dikku sĕppi sūbam̐galadā
araya nīvaide nāgu nādhāramu galavu gā
nūrage nīgādhāramu vunnadā yĕkkaḍanu
(||nene||)
ninnum̐ gŏlsina saligĕ nem̐ḍu nām̐ku gaddugāni
sannudi nīgu nŏgari saligunnadā
pĕnnidhi ninnum̐ dalam̐se peru nāgum̐ gaddugāni
vunnadā nīgum̐ dalam̐sa nŏgari perainanu
(||nene||)
yīvulĕllā nāgaide niyyam̐galavu gāga
āvala nīgīvuliyya nanyulunnārā
śhrīveṁkaḍeśha nāgu jīvāṁtarātmavu nīvu
bhāviṁcha naṁtarātma yappaḍi nīgu nunnadā