(॥పల్లవి॥)
నేనా గెలువలేను నీ మాయ
శ్రీనాథ నీవు సేసే చేఁతలే నీ మాయ
(॥నేనా॥)
తమకము గడు రేఁచు తలఁపు ఉఱ్ఱూఁతలూఁచు
నిమిష మూరకుండదు నీమాయ
తిమిరము బుద్ధిఁ గప్పు తెఱవల వెంటఁ దిప్పు
అమరి తోడునీడ ఆయఁబో నీమాయ
(॥నేనా॥)
పట్టినందుకెల్లాఁ దీసు పాపమే చవులుసేసు
నిట్టి(ట్ట?) పిడిఁ బోనీదు నీమాయ
కొట్టఁగొన కెక్కించుఁ గోరి మొదలికి దించు
మట్టులే దింతింతని మరియు నీమాయ
(॥నేనా॥)
పలు లంపటాల ముంచు భావజుచే భ్రమయించు
నిలిచిన చోటనెల్లా నీమాయ
యెలమి శ్రీవేంకటేశ యిటు నిన్నుఁ గొలువఁగా
మలసి సొలసి నన్ను మన్నించె నీమాయ
(||pallavi||)
nenā gĕluvalenu nī māya
śhrīnātha nīvu sese sem̐tale nī māya
(||nenā||)
tamagamu gaḍu rem̐su talam̐pu uṭrūm̐talūm̐su
nimiṣha mūraguṁḍadu nīmāya
timiramu buddhim̐ gappu tĕṟavala vĕṁṭam̐ dippu
amari toḍunīḍa āyam̐bo nīmāya
(||nenā||)
paṭṭinaṁdugĕllām̐ dīsu pābame savulusesu
niṭṭi(ṭṭa?) piḍim̐ bonīdu nīmāya
kŏṭṭam̐gŏna kĕkkiṁchum̐ gori mŏdaligi diṁchu
maṭṭule diṁtiṁtani mariyu nīmāya
(||nenā||)
palu laṁpaḍāla muṁchu bhāvajuse bhramayiṁchu
nilisina soḍanĕllā nīmāya
yĕlami śhrīveṁkaḍeśha yiḍu ninnum̐ gŏluvam̐gā
malasi sŏlasi nannu manniṁchĕ nīmāya