నేఁడు రేపుఁ జూతు గాని నిలరా నీవు
(॥పల్లవి॥)
నేఁడు రేపుఁ జూతు గాని నిలరా నీవు
వాఁడి వాఁడి నా గోరు వద్దురా నీవు
(॥నేఁడు॥)
చేసన్న నేమి గల్లాఁ జెప్పి చూపుదువు గాని
మాసిన చెరఁ గంటక మానరా నీవు
మూసి మరఁగుల కెల్లా ముందట మొక్కుదు గాని
దోసముబంట ననక తొలరా నీవు
(॥నేఁడు॥)
యేమి పని గలిగినా నింతుల నంపుదు గాని
రామలకుఁ గల దింతె రాకురా నీవు
నామీఁద మోహము గల్తె నవ్వులు నవ్వుదు గాని
మోముచూడ సిగ్గయ్యీని మొనసేవు నీవు
(॥నేఁడు॥)
కూట మిది యంత గల్లా గుట్టున నుందువు గాని
పోటిఁ గోల నాడితేనె పోకురా నీవు
మేటివై శ్రీ వెంకటేశ మెచ్చుగాఁ గూడితి విట్టె
గాఁటాన నే నంటి నింతె కల్ల సుమ్మీ నీవు
(||pallavi||)
nem̐ḍu rebum̐ jūdu gāni nilarā nīvu
vām̐ḍi vām̐ḍi nā goru vaddurā nīvu
(||nem̐ḍu||)
sesanna nemi gallām̐ jĕppi sūbuduvu gāni
māsina sĕram̐ gaṁṭaga mānarā nīvu
mūsi maram̐gula kĕllā muṁdaḍa mŏkkudu gāni
dosamubaṁṭa nanaga tŏlarā nīvu
(||nem̐ḍu||)
yemi pani galiginā niṁtula naṁpudu gāni
rāmalagum̐ gala diṁtĕ rāgurā nīvu
nāmīm̐da mohamu galdĕ navvulu navvudu gāni
momusūḍa siggayyīni mŏnasevu nīvu
(||nem̐ḍu||)
kūḍa midi yaṁta gallā guṭṭuna nuṁduvu gāni
poḍim̐ gola nāḍidenĕ pogurā nīvu
meḍivai śhrī vĕṁkaḍeśha mĕchchugām̐ gūḍidi viṭṭĕ
gām̐ṭāna ne naṁṭi niṁtĕ kalla summī nīvu