నేఁడు గొత్తగాదు తొల్లే నీకు నాకుఁ గలదే
(॥పల్లవి॥)
నేఁడు గొత్తగాదు తొల్లే నీకు నాకుఁ గలదే
ఆఁడుదాన బలిమేది ఆయము నీ చేతిది
(॥నేఁడు॥)
వొట్టిన నీ చేఁతలకు వొడిగట్టుకొన్నదాన
గట్టిచనుఁగవవారకపుదానను
ఎట్టుసేసినా నీచిత్తమెదురాడేవారెవ్వరు
పట్టిన నావలపుభారము నీమీఁదిది
(॥నేఁడు॥)
పొంచుకొని పాదముల పొందులు మెట్టినదాన
పంచల సిగ్గుల తలఁబాలదానను
కంచము పొత్తుకు లోనుకలది నీచేతిదింతే
మంచముపైఁ బెనఁగే నామర్మము నీచేతిది
(॥నేఁడు॥)
వేడుక మోవి తీపుల విందుకు లోనైనదాన
వీడెమందుకొన్న యరవిరిదానను
జాడతోడ శ్రీ వెంకటేశ చనవిచ్చితివి నాకు
కూడితివి నాలోని గుణము నీచేతిది
(||pallavi||)
nem̐ḍu gŏttagādu tŏlle nīgu nāgum̐ galade
ām̐ḍudāna balimedi āyamu nī sedidi
(||nem̐ḍu||)
vŏṭṭina nī sem̐talagu vŏḍigaṭṭugŏnnadāna
gaṭṭisanum̐gavavāragabudānanu
ĕṭṭusesinā nīsittamĕdurāḍevārĕvvaru
paṭṭina nāvalabubhāramu nīmīm̐didi
(||nem̐ḍu||)
pŏṁchugŏni pādamula pŏṁdulu mĕṭṭinadāna
paṁchala siggula talam̐bāladānanu
kaṁchamu pŏttugu lonugaladi nīsedidiṁte
maṁchamubaim̐ bĕnam̐ge nāmarmamu nīsedidi
(||nem̐ḍu||)
veḍuga movi tībula viṁdugu lonainadāna
vīḍĕmaṁdugŏnna yaraviridānanu
jāḍadoḍa śhrī vĕṁkaḍeśha sanavichchidivi nāgu
kūḍidivi nāloni guṇamu nīsedidi