నెలఁతల జాడ లివి నేర మెంచేవు గనక
(॥పల్లవి॥)
నెలఁతల జాడ లివి నేర మెంచేవు గనక
పలుమారు ననఁగా నీ బత్తిగలఁ జుమ్మీ
(॥నెల॥)
కూరిమి గలిగినది గుట్టుతోనే వుండుఁగాని
చేరి పతితో సారెఁ జెప్పుకొనదు
గారతపు జవరాలు కడు సిగ్గువడుఁగాని
మేరమీరి యందరిలో మేలము లాడదు
(॥నెలఁ॥)
చక్కఁదనము గలది సాజాననే వుండుఁగాని
పక్కనను రూపు చూపి భ్రమయించదు
నెక్కొన్న చుట్టమైనది నేరుపులే చూపుఁగాని
కక్కసించి పెనఁగుతా గయ్యాళించదు
(॥నెలఁ॥)
మంచిగుణము గలది మరి ఇచ్చలాడుఁగాని
ముంచి రతి మందెమేళములు సేయదు
యెంచఁగ శ్రీవేంకటేశ యిన్నిటా నన్నేలితివి
వంచెనతోడిది యేగర్వయులనటించదు
(||pallavi||)
nĕlam̐tala jāḍa livi nera mĕṁchevu ganaga
palumāru nanam̐gā nī battigalam̐ jummī
(||nĕla||)
kūrimi galiginadi guṭṭudone vuṁḍum̐gāni
seri padido sārĕm̐ jĕppugŏnadu
gāradabu javarālu kaḍu sigguvaḍum̐gāni
meramīri yaṁdarilo melamu lāḍadu
(||nĕlam̐||)
sakkam̐danamu galadi sājānane vuṁḍum̐gāni
pakkananu rūbu sūbi bhramayiṁchadu
nĕkkŏnna suṭṭamainadi nerubule sūbum̐gāni
kakkasiṁchi pĕnam̐gudā gayyāḽiṁchadu
(||nĕlam̐||)
maṁchiguṇamu galadi mari ichchalāḍum̐gāni
muṁchi radi maṁdĕmeḽamulu seyadu
yĕṁcham̐ga śhrīveṁkaḍeśha yinniḍā nannelidivi
vaṁchĕnadoḍidi yegarvayulanaḍiṁchadu