నెలఁతకుఁ గొండలతిమ్మని నేనిదె తోడ్కొని వచ్చెద
(॥పల్లవి॥)
నెలఁతకుఁ గొండలతిమ్మని నేనిదె తోడ్కొని వచ్చెద
ఎలనాగలు మీరెందరు నేమరకుఁడి చెలిని
(॥నెలఁత॥)
వలపుల రెనికి చెంగలువల కొండము చొర మొక్కుఁడి
అలులకు పూఁదేనియ సోయగములు మెయికొనుఁడి
ఫలరసములు మీఁదెత్తుఁడి పదరి చిలుకలకును గోవిలలకు
పొలఁతికి కెందమ్మిరేకులు పోయుఁడు బడిమిగను
(॥నెలఁత॥)
కట్టుఁడి సన్నపువలిపెము కర్పూరముఁ బన్నీరును
దట్టముగాఁ బైనలఁదుఁడి తరుణీమణికి
ఒట్టుఁడి జాజులు పరపున నొరపెరిఁగిన చెలికత్తెలఁ
బెట్టుఁచి మరుబలములచే బెగ్గిలి పడకుండ
(॥నెలఁత॥)
చిగురునఁ గెంపులు మొలచెను చిత్రము చూడఁగదమ్మా
మొగుడులపైనల చంద్రుని మూఁకలు మరిగినవి
మొగమున బిత్తరిచేఁతలు మును లేనివి చెలికబ్బెను
మగువయు తిరువేంకటపతి మమతల పరిణతలు
(||pallavi||)
nĕlam̐tagum̐ gŏṁḍaladimmani nenidĕ toḍkŏni vachchĕda
ĕlanāgalu mīrĕṁdaru nemaragum̐ḍi sĕlini
(||nĕlam̐ta||)
valabula rĕnigi sĕṁgaluvala kŏṁḍamu sŏra mŏkkum̐ḍi
alulagu pūm̐deniya soyagamulu mĕyigŏnum̐ḍi
phalarasamulu mīm̐dĕttum̐ḍi padari silugalagunu govilalagu
pŏlam̐tigi kĕṁdammiregulu poyum̐ḍu baḍimiganu
(||nĕlam̐ta||)
kaṭṭum̐ḍi sannabuvalibĕmu karbūramum̐ bannīrunu
daṭṭamugām̐ bainalam̐dum̐ḍi taruṇīmaṇigi
ŏṭṭum̐ḍi jājulu parabuna nŏrabĕrim̐gina sĕligattĕlam̐
bĕṭṭum̐si marubalamulase bĕggili paḍaguṁḍa
(||nĕlam̐ta||)
sigurunam̐ gĕṁpulu mŏlasĕnu sitramu sūḍam̐gadammā
mŏguḍulabainala saṁdruni mūm̐kalu mariginavi
mŏgamuna bittarisem̐talu munu lenivi sĕligabbĕnu
maguvayu tiruveṁkaḍabadi mamadala pariṇadalu