(॥పల్లవి॥)
నెలమూఁడు శోభనాలు నీకు నతనికిఁ దగు
కలకాలమును నిచ్చకల్యాణమమ్మా
(॥నెల॥)
రామనామమతనిది రామవు నీవైతేను
చామన వర్నమతఁడు చామవు నీవు
వామనుఁడందురతని వామనయనవు నీవు
ప్రేమపు యిద్దరికి పేరుబలమొకటే
(॥నెల॥)
హరి పేరాతనికి హరిణేక్షణువు నీవు
కరిఁ గాచెఁ దాను నీవు కరియానవు
సరిఁ దా జలధిశాయి జలధికన్యవు నీవు
బెరసి మీ యిద్దరికిఁ బేరుబలమొకటే
(॥నెల॥)
జలజనాభుఁడతఁడు జలజముఖివి నీవు
అలమేలుమంగవు నిన్నలమెఁ దాను
ఇలలో శ్రీ వేంకటేశుఁడిటు నిన్నురాన మెచె
పిలిచి పేరుచెప్పెఁ బేరుబలమొకటే
(||pallavi||)
nĕlamūm̐ḍu śhobhanālu nīgu nadanigim̐ dagu
kalagālamunu nichchagalyāṇamammā
(||nĕla||)
rāmanāmamadanidi rāmavu nīvaidenu
sāmana varnamadam̐ḍu sāmavu nīvu
vāmanum̐ḍaṁduradani vāmanayanavu nīvu
premabu yiddarigi perubalamŏgaḍe
(||nĕla||)
hari perādanigi hariṇekṣhaṇuvu nīvu
karim̐ gāsĕm̐ dānu nīvu kariyānavu
sarim̐ dā jaladhiśhāyi jaladhiganyavu nīvu
bĕrasi mī yiddarigim̐ berubalamŏgaḍe
(||nĕla||)
jalajanābhum̐ḍadam̐ḍu jalajamukhivi nīvu
alamelumaṁgavu ninnalamĕm̐ dānu
ilalo śhrī veṁkaḍeśhum̐ḍiḍu ninnurāna mĕsĕ
pilisi perusĕppĕm̐ berubalamŏgaḍe