(॥పల్లవి॥)
నీయంతవారు గారు నిండుసామర్థ్యము లేదు
యీ యహంకారపు ముక్తి యీడేరీనా తమకు
(॥నీయం॥)
నీ సేవలే సేసి నీ కృప రక్షించఁగాను
ఆసలఁ బొందే ముక్తి అది చాలక
నీ సరివారలై నీవే తామనుకొని
యీసులఁ బొందే ముక్తి యీడేరీనా తమకు
(॥నీయం॥)
పొంచిన రాక్షసులెల్ల పూర్వదేవతలమంటా
యెంచుక పట్టిన మదమీ గర్వము
అంచెలఁ గర్మమే సేసే రాయాదేవతలఁ గూర్చి
ఇంచుకంతలోనే ముక్తి యీడేరీనా తమకు
(॥నీయం॥)
హరిలాంఛనపు భక్తి కందుకు నొడఁబడరు
సరిరోగికిఁ బథ్యము చవిగానట్టు
గరిమ శ్రీవేంకటేశుఁ గని మననివారికి
యెరవులనే ముక్తి యీడేరీనా తమకు
(||pallavi||)
nīyaṁtavāru gāru niṁḍusāmardhyamu ledu
yī yahaṁkārabu mukti yīḍerīnā tamagu
(||nīyaṁ||)
nī sevale sesi nī kṛpa rakṣhiṁcham̐gānu
āsalam̐ bŏṁde mukti adi sālaga
nī sarivāralai nīve tāmanugŏni
yīsulam̐ bŏṁde mukti yīḍerīnā tamagu
(||nīyaṁ||)
pŏṁchina rākṣhasulĕlla pūrvadevadalamaṁṭā
yĕṁchuga paṭṭina madamī garvamu
aṁchĕlam̐ garmame sese rāyādevadalam̐ gūrsi
iṁchugaṁtalone mukti yīḍerīnā tamagu
(||nīyaṁ||)
harilāṁchhanabu bhakti kaṁdugu nŏḍam̐baḍaru
sarirogigim̐ bathyamu savigānaṭṭu
garima śhrīveṁkaḍeśhum̐ gani mananivārigi
yĕravulane mukti yīḍerīnā tamagu