(॥పల్లవి॥)
నీవు వెట్టినట్టి చిక్కు నీవే తెలుపవలె
నా వశమా తెలియ నారాయణా
(॥నీవు॥)
నీటిలోన నొకబుగ్గ నిమిషములోనఁ బుట్టి
కోటిసేసినట్లుండుఁ గొంతవడి
పాటించి యందే యడఁగెఁ బ్రకృతియో బ్రహ్మమో
యేఁటిదో వీని యర్థ మెరిఁగించవయ్య
(॥నీవు॥)
ఆకసాన నొకగాలి అట్టె మ్రోయుచుఁ బొడమి
లోకము సేయ విసరు లోలోనె
మైకొని యందే యడఁగె మాయయో సత్యమో
యీకడ నీయర్థము మా కెఱిఁగించవయ్య
(॥నీవు॥)
భూమిలోన మొలకలు పుట్టుచు శ్రీవేంకటేశ
వాములై వెలయు నేసేవారికి
ఆముక యందే యడఁగె అసత్తో ఇది సత్తో
యేమో యీయర్థము మా కెరిఁగించవయ్య
(||pallavi||)
nīvu vĕṭṭinaṭṭi sikku nīve tĕlubavalĕ
nā vaśhamā tĕliya nārāyaṇā
(||nīvu||)
nīḍilona nŏgabugga nimiṣhamulonam̐ buṭṭi
koḍisesinaṭluṁḍum̐ gŏṁtavaḍi
pāḍiṁchi yaṁde yaḍam̐gĕm̐ brakṛtiyo brahmamo
yem̐ṭido vīni yardha mĕrim̐giṁchavayya
(||nīvu||)
āgasāna nŏgagāli aṭṭĕ mroyusum̐ bŏḍami
logamu seya visaru lolonĕ
maigŏni yaṁde yaḍam̐gĕ māyayo satyamo
yīgaḍa nīyardhamu mā kĕṟim̐giṁchavayya
(||nīvu||)
bhūmilona mŏlagalu puṭṭusu śhrīveṁkaḍeśha
vāmulai vĕlayu nesevārigi
āmuga yaṁde yaḍam̐gĕ asatto idi satto
yemo yīyardhamu mā kĕrim̐giṁchavayya