నీవు వాఁటి దూర నేలె నిన్ను నంటిన కతాన
(॥పల్లవి॥)
నీవు వాఁటి దూర నేలె నిన్ను నంటిన కతాన
యీ విధిఁ బొందెను నిన్ను నివి దూరుఁగాక
(॥నీవు॥)
కప్పుర మేమి సేసునె కాంతుఁడు రాకుండఁగాను
అప్పటివేళనె కారమాయఁగాక
తప్పుగద్దా గందానకు తాపాన నీ వుండఁగాను
వుప్పతిల్లి దానికె వుడుకెత్తెఁగాక
(॥నీవు॥)
విరులకు నేర మేదె విరహంపువేళ నీకు
గరిమ వేఁడికి నొడిగట్టెఁగాక
మరుఁడు పగవాఁడా నీమనసులో కాఁక సోఁకి
తిరమై అనంగుఁ డంటా తిట్టువడెఁగాక
(॥నీవు॥)
చల్లగాలి వెట్ట యౌనా సారె నీమీఁద విసరి
పల్లదాన వడ దాఁకి భ్రమసెఁగాక
యిల్లిదె శ్రీ వెంకటేశుఁ డిట్టె నిన్నుఁ గూడఁగాను
యెల్లవారు మంచివారై యీడేరిరిగాక
(||pallavi||)
nīvu vām̐ṭi dūra nelĕ ninnu naṁṭina kadāna
yī vidhim̐ bŏṁdĕnu ninnu nivi dūrum̐gāga
(||nīvu||)
kappura memi sesunĕ kāṁtum̐ḍu rāguṁḍam̐gānu
appaḍiveḽanĕ kāramāyam̐gāga
tappugaddā gaṁdānagu tābāna nī vuṁḍam̐gānu
vuppadilli dānigĕ vuḍugĕttĕm̐gāga
(||nīvu||)
virulagu nera medĕ virahaṁpuveḽa nīgu
garima vem̐ḍigi nŏḍigaṭṭĕm̐gāga
marum̐ḍu pagavām̐ḍā nīmanasulo kām̐ka som̐ki
tiramai anaṁgum̐ ḍaṁṭā tiṭṭuvaḍĕm̐gāga
(||nīvu||)
sallagāli vĕṭṭa yaunā sārĕ nīmīm̐da visari
palladāna vaḍa dām̐ki bhramasĕm̐gāga
yillidĕ śhrī vĕṁkaḍeśhum̐ ḍiṭṭĕ ninnum̐ gūḍam̐gānu
yĕllavāru maṁchivārai yīḍeririgāga