నీవు సేసిన బాలు నీ వెరఁగవా
(॥పల్లవి॥)
నీవు సేసిన బాలు నీ వెరఁగవా
రేవగలు నెట్టు వేసరించేము నిన్నును
(॥నీవు॥)
ఆడినప్పటి మాటలో నర్తము నీ వెరఁగవా
యీడకు వచ్చుండఁగాను యిం తెరఁగవా
వేడుక పడ్డవాఁడవు వెలయించ నెరఁగవా
తోడనెని న్నెందాఁక దూరేము నిన్నును
(॥నీవు॥)
నవ్విననవ్వులలోని నయము నీ వెరఁగవా
రవ్వ సేసినఁవాఁడవు రా నెరఁగవా
జవ్వనపువాఁడ వాసలు నీ వెరఁగవా
రివ్వలుగ నెందాఁక రేచేము నిన్నుము
(॥నీవు॥)
యిట్టె చూచినవాఁడవు యిచ్చక మెరఁగవా
జట్టి గొన్నవాఁడవు మెచ్చ నెరఁగవా
నెట్టన శ్రీవెంకటేశ నీవె నన్నుఁ గూడితివి
గుట్టుతోడ నెందాఁకా కొసరేము నిన్నును
(||pallavi||)
nīvu sesina bālu nī vĕram̐gavā
revagalu nĕṭṭu vesariṁchemu ninnunu
(||nīvu||)
āḍinappaḍi māḍalo nardamu nī vĕram̐gavā
yīḍagu vachchuṁḍam̐gānu yiṁ tĕram̐gavā
veḍuga paḍḍavām̐ḍavu vĕlayiṁcha nĕram̐gavā
toḍanĕni nnĕṁdām̐ka dūremu ninnunu
(||nīvu||)
navvinanavvulaloni nayamu nī vĕram̐gavā
ravva sesinam̐vām̐ḍavu rā nĕram̐gavā
javvanabuvām̐ḍa vāsalu nī vĕram̐gavā
rivvaluga nĕṁdām̐ka resemu ninnumu
(||nīvu||)
yiṭṭĕ sūsinavām̐ḍavu yichchaga mĕram̐gavā
jaṭṭi gŏnnavām̐ḍavu mĕchcha nĕram̐gavā
nĕṭṭana śhrīvĕṁkaḍeśha nīvĕ nannum̐ gūḍidivi
guṭṭudoḍa nĕṁdām̐kā kŏsaremu ninnunu