(॥పల్లవి॥)
నీవు సర్వసముడఁవు నీవు దేవదేవుఁడవు
ఈవల నాగుణదోషాలెంచ నిఁక నేలా
(॥నీవు॥)
పూవులపైఁ గాసీఁ బొరి ముండ్లపైఁ గాసీని
ఆవల వెన్నెలకేమి హానివచ్చీనా
పావనుల నటు గాచి పాపపుంజమైన నన్నుఁ
గావఁగా నీకృపకునుఁ గడమయ్యీనా
(॥నీవు॥)
గోపుమీఁద విసరీఁ గుక్కమీఁద విసరీని
పావనపు గాలికిని పాపమంటీనా
దేవతల రక్షించి దీనుఁడనైన నాకుఁ
దోవచూపి రక్షించితే దోసమయ్యీనా
(॥నీవు॥)
కులజుని యింటనుండీ కులహీనుని యింటనుండీ
యిలలో నెండకు నేమి హీనమయ్యీనా
వలసి శ్రీవేంకటాద్రి వరములు యిచ్చి నాలో
నిలిచి వరములిచ్చి నేఁడు గావవే
(||pallavi||)
nīvu sarvasamuḍam̐vu nīvu devadevum̐ḍavu
īvala nāguṇadoṣhālĕṁcha nim̐ka nelā
(||nīvu||)
pūvulabaim̐ gāsīm̐ bŏri muṁḍlabaim̐ gāsīni
āvala vĕnnĕlagemi hānivachchīnā
pāvanula naḍu gāsi pābabuṁjamaina nannum̐
gāvam̐gā nīkṛpagunum̐ gaḍamayyīnā
(||nīvu||)
gobumīm̐da visarīm̐ gukkamīm̐da visarīni
pāvanabu gāligini pābamaṁṭīnā
devadala rakṣhiṁchi dīnum̐ḍanaina nāgum̐
dovasūbi rakṣhiṁchide dosamayyīnā
(||nīvu||)
kulajuni yiṁṭanuṁḍī kulahīnuni yiṁṭanuṁḍī
yilalo nĕṁḍagu nemi hīnamayyīnā
valasi śhrīveṁkaḍādri varamulu yichchi nālo
nilisi varamulichchi nem̐ḍu gāvave