నీవు సర్వగుణసంపన్నుఁడవు నే నొక దుర్గుణిని
(॥పల్లవి॥)
నీవు సర్వగుణసంపన్నుఁడవు నే నొక దుర్గుణిని
మానవు నన్నొక యెదురుచేసుకొని మనసుచూడనేలా అయ్యా
(॥నీవు॥)
యేలినవాఁడవు నీవు ఇటు నేఁ గొలిచినవాఁడ
పోలింపఁగ నీవే దేవుఁడవు భువి నే నొకజీవుఁడను
పాలించేవాఁడవు నీవు బ్రదికేవాఁడను నేను
తాలిమి నన్నొక సరిచేసుక ననుఁ దప్పులెంచనేలా అయ్యా
(॥నీవు॥)
అంతర్యామివి నీవు అంగమాత్రమే నేను
చింతింపఁగ నీవే స్వతంత్రుఁడవు జిగి నేఁ బరతంత్రుఁడను
ఇంత నీవే దయఁగలవాఁడవు యెప్పుడు నే నిర్దయుఁడను
చెంతల నన్నొక మొనసేసుక నాచేఁత లెంచనేలా అయ్యా
(॥నీవు॥)
శ్రీవేంకటేశ్వరుఁడవు నీవు సేవకుఁడను ఇటు నేను
అవలనీవల దాతవు నీవు యాచకుఁడను నేను
నీవే కావఁగఁ గర్తవు నేనే శరణాగతుఁడను
కైవశమగు నను ప్రతివెట్టుక నాకథలు యెంచనేలా అయ్యా
(||pallavi||)
nīvu sarvaguṇasaṁpannum̐ḍavu ne nŏga durguṇini
mānavu nannŏga yĕdurusesugŏni manasusūḍanelā ayyā
(||nīvu||)
yelinavām̐ḍavu nīvu iḍu nem̐ gŏlisinavām̐ḍa
poliṁpam̐ga nīve devum̐ḍavu bhuvi ne nŏgajīvum̐ḍanu
pāliṁchevām̐ḍavu nīvu bradigevām̐ḍanu nenu
tālimi nannŏga sarisesuga nanum̐ dappulĕṁchanelā ayyā
(||nīvu||)
aṁtaryāmivi nīvu aṁgamātrame nenu
siṁtiṁpam̐ga nīve svadaṁtrum̐ḍavu jigi nem̐ baradaṁtrum̐ḍanu
iṁta nīve dayam̐galavām̐ḍavu yĕppuḍu ne nirdayum̐ḍanu
sĕṁtala nannŏga mŏnasesuga nāsem̐ta lĕṁchanelā ayyā
(||nīvu||)
śhrīveṁkaḍeśhvarum̐ḍavu nīvu sevagum̐ḍanu iḍu nenu
avalanīvala dādavu nīvu yāsagum̐ḍanu nenu
nīve kāvam̐gam̐ gardavu nene śharaṇāgadum̐ḍanu
kaivaśhamagu nanu pradivĕṭṭuga nāgathalu yĕṁchanelā ayyā