నీవు నట్ల నేరుపు నేరమి నేఁడు నా యెడకుఁ జూడకుమీ
(॥పల్లవి॥)
నీవు నట్ల నేరుపు నేరమి నేఁడు నా యెడకుఁ జూడకుమీ
సేవలయెడ తృణము మేరువుగఁ జేసుకోఁగలవు నీమహిమలను
(॥నీవు॥)
తప్పు లెరంగము వొప్పు లెరంగము దైవమ నే నిను నుతియించేదా
నెప్పున వేదము సకలశబ్దము నీవేయని చాటఁగ వినుచు
ఇప్పుడు ద్రిష్టాంత మొకటి చెప్పెద నిందుకు సముద్రుఁ డిటు తనలో
చిప్పలు గుల్లలు బహురత్నంబులు చేకొని గర్భీకరించుఁ గదా
(॥నీవు॥)
కర్మ మెరంగ నకర్మ మెరంగను కరుణానిధి నినుఁ బూజించేదా
నిర్మల వేదము చైతన్యంబిది నీవేయని చాటఁగ వినుచు
అర్మిలి ద్రిష్టాంత మిందుకు నొకటె అన్నియు గర్భీకరించుకొని
ధర్మాధర్మపు మనుజులనెల్లాఁ దగ నీ భూకాంత మోచుఁ గదా
(॥నీవు॥)
జ్ఞాన మెరఁగ నజ్ఞాన మెరఁగను సారెకు నిను నేఁ దలఁచేదా
ఆనిన వేదము శ్రీవేంకటేశ్వర అంతరాత్మ నినుఁ జాటఁగను
పూని ద్రిష్టాంతము మీ కిటు సరిగాఁ బోలుపరా దిఁకనైనాను
తానే సూర్యుఁడు రాత్రి గల బయట తన గుణము వేగి నెరపుఁ గదా
(||pallavi||)
nīvu naṭla nerubu nerami nem̐ḍu nā yĕḍagum̐ jūḍagumī
sevalayĕḍa tṛṇamu meruvugam̐ jesugom̐galavu nīmahimalanu
(||nīvu||)
tappu lĕraṁgamu vŏppu lĕraṁgamu daivama ne ninu nudiyiṁchedā
nĕppuna vedamu sagalaśhabdamu nīveyani sāḍam̐ga vinusu
ippuḍu driṣhṭāṁta mŏgaḍi sĕppĕda niṁdugu samudrum̐ ḍiḍu tanalo
sippalu gullalu bahuratnaṁbulu segŏni garbhīgariṁchum̐ gadā
(||nīvu||)
karma mĕraṁga nagarma mĕraṁganu karuṇānidhi ninum̐ būjiṁchedā
nirmala vedamu saidanyaṁbidi nīveyani sāḍam̐ga vinusu
armili driṣhṭāṁta miṁdugu nŏgaḍĕ anniyu garbhīgariṁchugŏni
dharmādharmabu manujulanĕllām̐ daga nī bhūgāṁta mosum̐ gadā
(||nīvu||)
jñāna mĕram̐ga najñāna mĕram̐ganu sārĕgu ninu nem̐ dalam̐sedā
ānina vedamu śhrīveṁkaḍeśhvara aṁtarātma ninum̐ jāḍam̐ganu
pūni driṣhṭāṁtamu mī kiḍu sarigām̐ bolubarā dim̐kanainānu
tāne sūryum̐ḍu rātri gala bayaḍa tana guṇamu vegi nĕrabum̐ gadā