(॥పల్లవి॥)
నీవు నాసొమ్మవు నేను నీసొమ్ము
యీవల నీవెపుడు మాయింటనుండఁ దగవా
(॥నీవు॥)
హరి నీరూపము నాకు నాచార్యుఁడు మున్నె
కెరలి నాపాల నప్పగించినాఁడు
నరహరి నిను నే నన్యాయమునఁ దెలియను
పొరఁబడి నీ కెందుఁ బోఁదగునా
(॥నీవు॥)
జనని నీదేవి లక్ష్మి జనకుఁడవు నీవె
తనువులు నాత్మబాంధవము నీవె
అనయము నేనెంత యపరాధినైనాను
పనివడి నీవు నన్నుఁ బాయఁదగునా
(॥నీవు॥)
బహువేదములు నిన్ను భక్తవత్సలుఁడవని
సహజబిరుదు భువిఁ జాటీని
యిహమునఁ శ్రీ వేంకటేశ యిది దలఁచైన
విహితమై నాకడకు విచ్చేయవే
(||pallavi||)
nīvu nāsŏmmavu nenu nīsŏmmu
yīvala nīvĕbuḍu māyiṁṭanuṁḍam̐ dagavā
(||nīvu||)
hari nīrūbamu nāgu nāsāryum̐ḍu munnĕ
kĕrali nābāla nappagiṁchinām̐ḍu
narahari ninu ne nanyāyamunam̐ dĕliyanu
pŏram̐baḍi nī kĕṁdum̐ bom̐dagunā
(||nīvu||)
janani nīdevi lakṣhmi janagum̐ḍavu nīvĕ
tanuvulu nātmabāṁdhavamu nīvĕ
anayamu nenĕṁta yabarādhinainānu
panivaḍi nīvu nannum̐ bāyam̐dagunā
(||nīvu||)
bahuvedamulu ninnu bhaktavatsalum̐ḍavani
sahajabirudu bhuvim̐ jāḍīni
yihamunam̐ śhrī veṁkaḍeśha yidi dalam̐saina
vihidamai nāgaḍagu vichcheyave