నీవు జగన్నాథుఁడవు నే నొకజీవుఁడ నింతే
(॥పల్లవి॥)
నీవు జగన్నాథుఁడవు నే నొకజీవుఁడ నింతే
నీవలె ననుభవించ నే నెంతవాఁడను
(॥నీవు॥)
వైకుంఠపదమేడ వడిఁ గోర నెంతవాఁడ
యీకడ నీదాసుఁడనౌ టిది చాలదా
చేకొని నీసాకారచింత యేడ నేనేడ
పైకొని నీడాగు మోచి బ్రదికితిఁ జాలదా
(॥నీవు॥)
సొంపుల నీయానందసుఖ మేడ నేనేడ
పంపు శ్రీవైష్ణవసల్లాపన చాలదా
నింపుల విజ్ఞాన మేడ నే దెలియ నెంతవాఁడ
యింపుగా నీకథ వినుటిదియే చాలదా
(॥నీవు॥)
కై వల్యమందు నీతో కాణాచి యాడ నాకు
శ్రీవేంకటాద్రిమీఁది సేవ చాలదా
యీవల శ్రీవేంకటేశ నీ విచ్చిన విజ్ఞానమున
భావించి నిన్నుఁ బొగడే భాగ్యమే చాలదా
(||pallavi||)
nīvu jagannāthum̐ḍavu ne nŏgajīvum̐ḍa niṁte
nīvalĕ nanubhaviṁcha ne nĕṁtavām̐ḍanu
(||nīvu||)
vaiguṁṭhabadameḍa vaḍim̐ gora nĕṁtavām̐ḍa
yīgaḍa nīdāsum̐ḍanau ṭidi sāladā
segŏni nīsāgārasiṁta yeḍa neneḍa
paigŏni nīḍāgu mosi bradigidim̐ jāladā
(||nīvu||)
sŏṁpula nīyānaṁdasukha meḍa neneḍa
paṁpu śhrīvaiṣhṇavasallābana sāladā
niṁpula vijñāna meḍa ne dĕliya nĕṁtavām̐ḍa
yiṁpugā nīgatha vinuḍidiye sāladā
(||nīvu||)
kai valyamaṁdu nīdo kāṇāsi yāḍa nāgu
śhrīveṁkaḍādrimīm̐di seva sāladā
yīvala śhrīveṁkaḍeśha nī vichchina vijñānamuna
bhāviṁchi ninnum̐ bŏgaḍe bhāgyame sāladā