నీవొక్కఁడవే సర్వాధారము నిన్నే యెరిఁగిన నన్నియు నెఱుఁగుట
(॥పల్లవి॥)
నీవొక్కఁడవే సర్వాధారము నిన్నే యెరిఁగిన నన్నియు నెఱుఁగుట
భావించి యింతయుఁ దెలియఁగవలసిన బ్రహ్మవేత్తలకు నిది దెరువు
(॥నీవొ॥)
నీయందె బ్రహ్మయు రుద్రుఁడు నింద్రుఁడు నీయందె దిక్పాలకులు
నీయందె మనువులు వసువులు రుషులు నీయందె విశ్వాఖ్యదేవతలు
నీయందె వురగులు యక్షరాక్షసులు నీయందె గరుఁడగంధర్వులు
నీయందె పితరలు సిద్ధసాధ్యులు నీయందె ద్వాదశాదిత్యులు
(॥నీవొ॥)
నీవలననె కిన్నరకింపురుషులు నీవలననె విద్యాధరులు
నీవలననె యచ్చరలు చారణులు నీవలననె నక్షత్రములు
నీవలననె గ్రహములు చంద్రుఁడును నీవలన(నె?) నభోంతరిక్షములు
నీవలననె జలధులు పవమానుఁడు నీవలననె గిరులును భూమియును
(॥నీవొ॥)
నీలోననె నదులును నగ్నియు నీలోననె సచరాచరములును
నీలోననె వేదశాస్త్రము మొదలుగ నిఖిలశబ్దమయము
నీలోననె అన్నియు నిన్నర్చించిన నిఖిలతృప్తికరము
శ్రీలలనాధిప శ్రీవేంకటేశ్వర శ్రీవైష్ణవులకు నిది మతము
(||pallavi||)
nīvŏkkam̐ḍave sarvādhāramu ninne yĕrim̐gina nanniyu nĕṟum̐guḍa
bhāviṁchi yiṁtayum̐ dĕliyam̐gavalasina brahmavettalagu nidi dĕruvu
(||nīvŏ||)
nīyaṁdĕ brahmayu rudrum̐ḍu niṁdrum̐ḍu nīyaṁdĕ dikpālagulu
nīyaṁdĕ manuvulu vasuvulu ruṣhulu nīyaṁdĕ viśhvākhyadevadalu
nīyaṁdĕ vuragulu yakṣharākṣhasulu nīyaṁdĕ garum̐ḍagaṁdharvulu
nīyaṁdĕ pidaralu siddhasādhyulu nīyaṁdĕ dvādaśhādityulu
(||nīvŏ||)
nīvalananĕ kinnaragiṁpuruṣhulu nīvalananĕ vidyādharulu
nīvalananĕ yachcharalu sāraṇulu nīvalananĕ nakṣhatramulu
nīvalananĕ grahamulu saṁdrum̐ḍunu nīvalana(nĕ?) nabhoṁtarikṣhamulu
nīvalananĕ jaladhulu pavamānum̐ḍu nīvalananĕ girulunu bhūmiyunu
(||nīvŏ||)
nīlonanĕ nadulunu nagniyu nīlonanĕ sasarāsaramulunu
nīlonanĕ vedaśhāstramu mŏdaluga nikhilaśhabdamayamu
nīlonanĕ anniyu ninnarsiṁchina nikhilatṛptigaramu
śhrīlalanādhiba śhrīveṁkaḍeśhvara śhrīvaiṣhṇavulagu nidi madamu