నీవెంత నేనెంత నీకు నాకు నెంతదవ్వు
(॥పల్లవి॥)
నీవెంత నేనెంత నీకు నాకు నెంతదవ్వు
దైవమా సిగ్గువడక తగిలే నేఁ గాకా
(॥నీవెం॥)
చెంది నీకు బ్రహ్మాదులు సేవలు సేయఁగాను
యిందు మా సేవలు నీకు నేడకువచ్చు
పొంది వసిష్ఠాదు లట్టే పూజలు సేయఁగాను
సందడి మాపూజలు సరకా నీకు
(॥నీవెం॥)
సనకాదియోగులు సారె నిన్నుఁ దలఁచఁగా
యెనసి మాతలఁపు నీ కేడకెక్కును
నునుపుగా శేషాదులు నుతులు నిన్నుఁ జేయఁగా
పనివడి మా నుతులు బాఁతేయనా నీకు
(॥నీవెం॥)
కిట్టి నారదాదులు నీకింకరులై వుండఁగాను
యిట్టె నీదాసుఁడ ననుటెంత కెంత
వొట్టి శ్రీవేంకటేశ మాకొకవుపాయము గద్దు
పట్టి నీదాసుల బంటుబంట నయ్యేనిఁకను
(||pallavi||)
nīvĕṁta nenĕṁta nīgu nāgu nĕṁtadavvu
daivamā sigguvaḍaga tagile nem̐ gāgā
(||nīvĕṁ||)
sĕṁdi nīgu brahmādulu sevalu seyam̐gānu
yiṁdu mā sevalu nīgu neḍaguvachchu
pŏṁdi vasiṣhṭhādu laṭṭe pūjalu seyam̐gānu
saṁdaḍi mābūjalu saragā nīgu
(||nīvĕṁ||)
sanagādiyogulu sārĕ ninnum̐ dalam̐sam̐gā
yĕnasi mādalam̐pu nī keḍagĕkkunu
nunubugā śheṣhādulu nudulu ninnum̐ jeyam̐gā
panivaḍi mā nudulu bām̐teyanā nīgu
(||nīvĕṁ||)
kiṭṭi nāradādulu nīgiṁkarulai vuṁḍam̐gānu
yiṭṭĕ nīdāsum̐ḍa nanuḍĕṁta kĕṁta
vŏṭṭi śhrīveṁkaḍeśha māgŏgavubāyamu gaddu
paṭṭi nīdāsula baṁṭubaṁṭa nayyenim̐kanu