(॥పల్లవి॥)
నీవేమి సేసినాను నీ చిత్తము
భావము వేరొకటై పదర నేఁ జాలను
(॥నీవే॥)
కొంగువట్టితే నిన్నుఁ గోపగించఁజాలను
అంగజగురుఁడవు నీ వటుగాన
అంగడి నవ్వి నిన్ను నదలించఁజాలను
వెంగలిపదారువేలవిభుఁడవుగాన
(॥నీవే॥)
పూవుల వేసి నిన్నుఁ బొరిఁ దిట్టజాలను నీ-
వవ్వలఁ బారిజాతహరుఁడవుగాన
రవ్వల గోరంటఁగాను రాయడించఁజాలను
చివ్వలగోళ్ల నరసింహుఁడవుగాన
(॥నీవే॥)
చనుఁగొండ లొత్తఁగాను చాలుననఁజాలను
యెనసి గోవర్దనగి రెత్తితివిగాన
మునుపె శ్రీవేంకటేశ మొక్కి నన్నుఁ గూడితివి
తనిసినా నిన్నుఁ బాసి తలమనఁజాలను
(||pallavi||)
nīvemi sesinānu nī sittamu
bhāvamu verŏgaḍai padara nem̐ jālanu
(||nīve||)
kŏṁguvaṭṭide ninnum̐ gobagiṁcham̐jālanu
aṁgajagurum̐ḍavu nī vaḍugāna
aṁgaḍi navvi ninnu nadaliṁcham̐jālanu
vĕṁgalibadāruvelavibhum̐ḍavugāna
(||nīve||)
pūvula vesi ninnum̐ bŏrim̐ diṭṭajālanu nī-
vavvalam̐ bārijādaharum̐ḍavugāna
ravvala goraṁṭam̐gānu rāyaḍiṁcham̐jālanu
sivvalagoḽla narasiṁhum̐ḍavugāna
(||nīve||)
sanum̐gŏṁḍa lŏttam̐gānu sālunanam̐jālanu
yĕnasi govardanagi rĕttidivigāna
munubĕ śhrīveṁkaḍeśha mŏkki nannum̐ gūḍidivi
tanisinā ninnum̐ bāsi talamanam̐jālanu