(॥పల్లవి॥)
నీవే యింత సేతువట సేనియ్యకొనలేనా
పోవులై నీకే చింత పుట్టునని కాక
(॥నీవే॥)
తాపానఁ బొందింతువట తగనేఁబొరలలేనా
పాపముఁ నీకంటుననే భయముగాక
కోపగింతువట నీవు కోరి నేనోరువలేనా
దీపించనన్నిటా నీకుఁ దిట్టువాటని కాక
(॥నీవే॥)
ఆసకొలుపుదువట అలఁతకోపఁగలేనా
దాసులు నిన్ను నమ్మరింతానని కాక
మోసపుత్తువట నీమొరఁగుకు లోఁగాలేనా
వీసమంత నీదయకు వెలితని కాక
(॥నీవే॥)
కౌఁగలింతువట నిన్నుఁ గరఁగించ నేలేనా
చేఁగ నీచిత్తము దెలిసేనని కాక
దాఁగక శ్రీ వేంకటేశ దక్క నన్నుఁ గూడితివి
తూఁగలేనా నీకు సరి దొరవని కాక
(||pallavi||)
nīve yiṁta seduvaḍa seniyyagŏnalenā
povulai nīge siṁta puṭṭunani kāga
(||nīve||)
tābānam̐ bŏṁdiṁtuvaḍa taganem̐bŏralalenā
pābamum̐ nīgaṁṭunane bhayamugāga
kobagiṁtuvaḍa nīvu kori nenoruvalenā
dībiṁchananniḍā nīgum̐ diṭṭuvāḍani kāga
(||nīve||)
āsagŏlubuduvaḍa alam̐tagobam̐galenā
dāsulu ninnu nammariṁtānani kāga
mosabuttuvaḍa nīmŏram̐gugu lom̐gālenā
vīsamaṁta nīdayagu vĕlidani kāga
(||nīve||)
kaum̐galiṁtuvaḍa ninnum̐ garam̐giṁcha nelenā
sem̐ga nīsittamu dĕlisenani kāga
dām̐gaga śhrī veṁkaḍeśha dakka nannum̐ gūḍidivi
tūm̐galenā nīgu sari dŏravani kāga