నీవే యంతర్యామివి నీ వున్నదే వైకుంఠము
(॥పల్లవి॥)
నీవే యంతర్యామివి నీ వున్నదే వైకుంఠము
ఆవలఁ బరమపదమన నింకాఁ గలదా
(॥నీవే॥)
యిందరు జంతువులు నీ విచ్చిన రూపులు మోచి
బొందితో నీకే నెలవై పుట్టినారు
కందువ నీ ప్రపంచపు కైంకర్యములు సేసి
అందిరి జీవన్ముక్తు లదివో చాలదా
(॥నీవే॥)
యేలిక వంచిన పనే యింద్రియభోగములెల్ల
తోలితోలి రాచాజ్ఞ తోయకున్నారు
కాలము నిన్నుఁ బాయరు గర్భగోళమం దున్నారు
యీ లోకమే సాలోక్యమిది యింత చాలదా
(॥నీవే॥)
జ్ఞానము నజ్ఞానమేది స్వామికార్యములోన
మానక నీ పనులలో మత్తులైనారు
శ్రీనాథుఁడవు నీవే శ్రీవేంకటేశ్వర
నీ నాటకములోనే నిత్యులైరి చాలదా
(||pallavi||)
nīve yaṁtaryāmivi nī vunnade vaiguṁṭhamu
āvalam̐ baramabadamana niṁkām̐ galadā
(||nīve||)
yiṁdaru jaṁtuvulu nī vichchina rūbulu mosi
bŏṁdido nīge nĕlavai puṭṭināru
kaṁduva nī prabaṁchabu kaiṁkaryamulu sesi
aṁdiri jīvanmuktu ladivo sāladā
(||nīve||)
yeliga vaṁchina pane yiṁdriyabhogamulĕlla
tolidoli rāsājña toyagunnāru
kālamu ninnum̐ bāyaru garbhagoḽamaṁ dunnāru
yī logame sālokyamidi yiṁta sāladā
(||nīve||)
jñānamu najñānamedi svāmigāryamulona
mānaga nī panulalo mattulaināru
śhrīnāthum̐ḍavu nīve śhrīveṁkaḍeśhvara
nī nāḍagamulone nityulairi sāladā