నీవే విచారించుకొమ్మా నెఱజాణవు
(॥పల్లవి॥)
నీవే విచారించుకొమ్మా నెఱజాణవు
యీవేళఁ జెలియమోహ మిచ్చగించవచ్చును
(॥నీవే॥)
చెంతనుండి కొలువులు సేసేటిరమణితో
పంతమాడవద్దుగాని పనిగొనవచ్చును
మంతనాన నీతో మనవి చేప్పేవేళను
వింతసేయవద్దుగాని వీనులొగ్గవచ్చును
(॥నీవే॥)
కోరి నిన్ను వేఁడుకొంటా గుట్టుతోనున్న చెలిని
జేరఁదీయవద్దుగాని చెక్కునొక్కవచ్చును
వూరకైన వట్టితేనెలూర మాటలాడి చప్పు
చారు సేయవద్దుగాని చవిగొనవచ్చును
(॥నీవే॥)
తాలిమితో కౌఁగిటికి తమకించే వనితను
జాలిఁబెట్టవద్దుగాని చన్నులంటవచ్చును
యేలితివి శ్రీ వేంకటేశ యిన్నిటానీకెను
బేలుఁజేయవద్దుగాని ప్రేమ నించవచ్చును
(||pallavi||)
nīve visāriṁchugŏmmā nĕṟajāṇavu
yīveḽam̐ jĕliyamoha michchagiṁchavachchunu
(||nīve||)
sĕṁtanuṁḍi kŏluvulu seseḍiramaṇido
paṁtamāḍavaddugāni panigŏnavachchunu
maṁtanāna nīdo manavi seppeveḽanu
viṁtaseyavaddugāni vīnulŏggavachchunu
(||nīve||)
kori ninnu vem̐ḍugŏṁṭā guṭṭudonunna sĕlini
jeram̐dīyavaddugāni sĕkkunŏkkavachchunu
vūragaina vaṭṭidenĕlūra māḍalāḍi sappu
sāru seyavaddugāni savigŏnavachchunu
(||nīve||)
tālimido kaum̐giḍigi tamagiṁche vanidanu
jālim̐bĕṭṭavaddugāni sannulaṁṭavachchunu
yelidivi śhrī veṁkaḍeśha yinniḍānīgĕnu
belum̐jeyavaddugāni prema niṁchavachchunu