నీవె విచ్చేయవయ్య నేరుపరి విందుకెల్ల
(॥పల్లవి॥)
నీవె విచ్చేయవయ్య నేరుపరి విందుకెల్ల
నీ వనిత యలుకలు నేము దిద్దఁగలమా
(॥నీవె॥)
మాఁటవోరువఁగలేని మంకు దానిఁ గేరడాలు
యేఁటికినాడితివయ్య యింతలో నీవు
వాఁటమై పారెఁ గన్నీటివరదలు చన్నులపై
నీఁటున నింతటెలుక నేము దిద్దఁగలమా
(॥నీవె॥)
కాఁకకోరువఁగలేని కాంతకుఁ గోపమురేఁచి
సోఁకింతురా కొనగోరు చురుకనను
వేఁకపు నిట్టూరుపులు విసరీ హారములపై
యేఁకటనింతేసి పనులేము దిద్దఁగలమా
(॥నీవె॥)
రవ్వకోరువఁగలేని రమణితో జూజాలాడి
నవ్వుదురా శ్రీ వేంకటనగవిహార
పువ్వులు కొప్పువి రాలె పొందితే బుజాలమీఁద
నివ్వటిల్లు మీవోజలు నేము దిద్దఁగలమా
(||pallavi||)
nīvĕ vichcheyavayya nerubari viṁdugĕlla
nī vanida yalugalu nemu diddam̐galamā
(||nīvĕ||)
mām̐ṭavoruvam̐galeni maṁku dānim̐ geraḍālu
yem̐ṭigināḍidivayya yiṁtalo nīvu
vām̐ṭamai pārĕm̐ gannīḍivaradalu sannulabai
nīm̐ṭuna niṁtaḍĕluga nemu diddam̐galamā
(||nīvĕ||)
kām̐kagoruvam̐galeni kāṁtagum̐ gobamurem̐si
som̐kiṁturā kŏnagoru surugananu
vem̐kabu niṭṭūrubulu visarī hāramulabai
yem̐kaḍaniṁtesi panulemu diddam̐galamā
(||nīvĕ||)
ravvagoruvam̐galeni ramaṇido jūjālāḍi
navvudurā śhrī veṁkaḍanagavihāra
puvvulu kŏppuvi rālĕ pŏṁdide bujālamīm̐da
nivvaḍillu mīvojalu nemu diddam̐galamā