నీవే రక్షింతువుగాక నిన్ను నమ్మితిమి నేము
(॥పల్లవి॥)
నీవే రక్షింతువుగాక నిన్ను నమ్మితిమి నేము
దైవమవై నీ వుండఁగ తగ మాదే బ్రదుకు
(॥నీవే॥)
కోరి వొకరాతివీరుఁ గొల్చి బతికీ నొకఁడు
పైరు వొక్కచెట్టువెట్టి బతికేననీ నొకఁడు
కూరిమిఁ బాము చేఁబట్టుకొని బతికీ నొకఁడు
శ్రీరమణుని దాసుల చేతిదేపో భాగ్యము
(॥నీవే॥)
ఇసుమంత మన్ను వట్టి యేచి బతికీ నొకఁడు
పసురము నింటఁ గట్టి బతికేననీ నొకఁడు
పసగా వేలె డినుము పట్టి బతికీ నొకఁడు
వసుధేశ నీవు గలవారి కేమి గడమ
(॥నీవే॥)
ఆకునలముఁ గసవునంటి బతికీ నొకఁడు
లోకులు పెక్కుపాయాల లోలులై బతికే రదే
యీకడ శ్రీవేంకటేశ ఇవెల్లా నీమహిమలే
చేకొని నీమరఁగు చొచ్చినవారే ఘనులు
(||pallavi||)
nīve rakṣhiṁtuvugāga ninnu nammidimi nemu
daivamavai nī vuṁḍam̐ga taga māde bradugu
(||nīve||)
kori vŏgarādivīrum̐ gŏlsi badigī nŏgam̐ḍu
pairu vŏkkasĕṭṭuvĕṭṭi badigenanī nŏgam̐ḍu
kūrimim̐ bāmu sem̐baṭṭugŏni badigī nŏgam̐ḍu
śhrīramaṇuni dāsula sedidebo bhāgyamu
(||nīve||)
isumaṁta mannu vaṭṭi yesi badigī nŏgam̐ḍu
pasuramu niṁṭam̐ gaṭṭi badigenanī nŏgam̐ḍu
pasagā velĕ ḍinumu paṭṭi badigī nŏgam̐ḍu
vasudheśha nīvu galavāri kemi gaḍama
(||nīve||)
āgunalamum̐ gasavunaṁṭi badigī nŏgam̐ḍu
logulu pĕkkubāyāla lolulai badige rade
yīgaḍa śhrīveṁkaḍeśha ivĕllā nīmahimale
segŏni nīmaram̐gu sŏchchinavāre ghanulu