నీవే నేరవుగాని నిన్నుఁ బండించేము నేము
(॥పల్లవి॥)
నీవే నేరవుగాని నిన్నుఁ బండించేము నేము
దైవమా నీకంటే నీదాసులే నేర్పరులు
(॥నీవే॥)
వట్టి భక్తి నీ మీఁద వళుకువేసి నిన్నుఁ
బట్టి తెచ్చి మతిలోనఁ బెట్టుకొంటిని
పట్టెడు దులసి నీపాదములపై బెట్టి
జట్టిగొనిరి మోక్షము జాణలు నీదాసులు
(॥నీవే॥)
నీవు నిర్మించినవే నీకే సమర్పణసేసి
సోవల నీకృపయెల్లఁ జూరగొంటిమి
భావించొకమొక్కు మొక్కిభారము నీపై వేసిరి
పావనపు నీదాసులే పంతపు చతురులు
(॥నీవే॥)
చెరువుల నీళ్లుదెచ్చి చేరఁ(రె?)డు నీపైఁ జల్లి
వరము వడసితిమి వలసినట్టు
యిరవై శ్రీవేంకటేశ యిటువంటి విద్యలనే
దరిచేరి మించిరి నీదాసులే పో ఘనులు
(||pallavi||)
nīve neravugāni ninnum̐ baṁḍiṁchemu nemu
daivamā nīgaṁṭe nīdāsule nerbarulu
(||nīve||)
vaṭṭi bhakti nī mīm̐da vaḽuguvesi ninnum̐
baṭṭi tĕchchi madilonam̐ bĕṭṭugŏṁṭini
paṭṭĕḍu dulasi nībādamulabai bĕṭṭi
jaṭṭigŏniri mokṣhamu jāṇalu nīdāsulu
(||nīve||)
nīvu nirmiṁchinave nīge samarbaṇasesi
sovala nīkṛpayĕllam̐ jūragŏṁṭimi
bhāviṁchŏgamŏkku mŏkkibhāramu nībai vesiri
pāvanabu nīdāsule paṁtabu sadurulu
(||nīve||)
sĕruvula nīḽludĕchchi seram̐(rĕ?)ḍu nībaim̐ jalli
varamu vaḍasidimi valasinaṭṭu
yiravai śhrīveṁkaḍeśha yiḍuvaṁṭi vidyalane
dariseri miṁchiri nīdāsule po ghanulu