నీవే నీదాసులని నిను గంటిఁ గంటిని
(॥పల్లవి॥)
నీవే నీదాసులని నిను గంటిఁ గంటిని
ఆవల నీవే అంతర్యామివి గాన
(॥నీవే॥)
నీదాసుల శిరసులే నీదివ్యశిరసులు
నీదాసులపాదములే నీదివ్యపాదములు
నీదాసులకన్నులే నీదివ్యనేత్రములు
నీదాసులరూపమే నీవిశ్వరూపము
(॥నీవే॥)
నీకింకరులగుణాలే నీదివ్యగుణములు
నీకింకరులున్నచోటే నీకు నిత్యవైకుంఠము
నీకింకరుల సేవే నీవు మెచ్చునిజసేవ
నీకింకరుల కూటమే నీకు సర్వాంగములు
(॥నీవే॥)
యిందరిలో శ్రీవేంకటేశ నీవే పో యంటే
అంది తల్లిముట్టే యుంటే నంటవచ్చునా
యెందు నజ్ఞానపు ముట్టు యెడసినాత్మలుగాన
నిందలేని నీదాసులే నీవని సేవింతును
(||pallavi||)
nīve nīdāsulani ninu gaṁṭim̐ gaṁṭini
āvala nīve aṁtaryāmivi gāna
(||nīve||)
nīdāsula śhirasule nīdivyaśhirasulu
nīdāsulabādamule nīdivyabādamulu
nīdāsulagannule nīdivyanetramulu
nīdāsularūbame nīviśhvarūbamu
(||nīve||)
nīgiṁkarulaguṇāle nīdivyaguṇamulu
nīgiṁkarulunnasoḍe nīgu nityavaiguṁṭhamu
nīgiṁkarula seve nīvu mĕchchunijaseva
nīgiṁkarula kūḍame nīgu sarvāṁgamulu
(||nīve||)
yiṁdarilo śhrīveṁkaḍeśha nīve po yaṁṭe
aṁdi tallimuṭṭe yuṁṭe naṁṭavachchunā
yĕṁdu najñānabu muṭṭu yĕḍasinātmalugāna
niṁdaleni nīdāsule nīvani seviṁtunu