నీవే మన్నించేవు గాక నీచిత్తము వచ్చితేను
(॥పల్లవి॥)
నీవే మన్నించేవు గాక నీచిత్తము వచ్చితేను
కావరించి నే నిన్ను కాఁతాళము రేఁతునా
(॥నీవే॥)
సంగడి సతులు నిన్ను చన్నులు నొత్తిరంటాను
జంగిలిలో నే నిన్ను చండి సేతునా
అంగడివారెల్లా నిన్ను నంటఁ గాఁగిలించిరంటా
వుంగిటిగా నే నిన్ను నొత్తుకోలు సేతునా
(॥నీవే॥)
వుద్దండవు సతులెల్ల వొడివట్టి తీసిరంటా
కొద్దిమీర నే నీపై గోరు దీతునా
గద్దరి చెలులు నిన్ను ఘాతలెల్లాఁ జేసిరంటా
అద్దుకొని నే నిన్ను నాఱడిగాఁ జేతునా
(॥నీవే॥)
ఆగడపు కాంతలు నిన్నలమి కూడిరంటా
వేగిరించి నే నిన్ను వేసరింతునా
యీగతి శ్రీవేంకటేశ యింతలో నన్నేలితివి
చేగ దేర నే నిన్ను చిమ్మి రేఁతునా
(||pallavi||)
nīve manniṁchevu gāga nīsittamu vachchidenu
kāvariṁchi ne ninnu kām̐tāḽamu rem̐tunā
(||nīve||)
saṁgaḍi sadulu ninnu sannulu nŏttiraṁṭānu
jaṁgililo ne ninnu saṁḍi sedunā
aṁgaḍivārĕllā ninnu naṁṭam̐ gām̐giliṁchiraṁṭā
vuṁgiḍigā ne ninnu nŏttugolu sedunā
(||nīve||)
vuddaṁḍavu sadulĕlla vŏḍivaṭṭi tīsiraṁṭā
kŏddimīra ne nībai goru dīdunā
gaddari sĕlulu ninnu ghādalĕllām̐ jesiraṁṭā
addugŏni ne ninnu nāṟaḍigām̐ jedunā
(||nīve||)
āgaḍabu kāṁtalu ninnalami kūḍiraṁṭā
vegiriṁchi ne ninnu vesariṁtunā
yīgadi śhrīveṁkaḍeśha yiṁtalo nannelidivi
sega dera ne ninnu simmi rem̐tunā